Заря
  • Рус Тат
  • Сишәмбе көнне правослау христианнары бөек бәйрәмнәрнең берсе – Хач ману бәйрәмен билгеләп үттеләр

    Җан һәм тән ныклыгы өчен.

    Бу бәйрәм җир һәм рухи бердәмлекне һәм чисталыкны гәүдәләндерә. Ахтыр коесында коенучы кешеләргә уңайлырак булсын өчен бәке тоткычлар һәм баскычлар белән җиһазланган иде.

    Бәке янында, элеккеге еллардагы кебек үк, боз фигуралары ясалган. Традиция буенча, иң чыдамнар һәм түземсезләр бәкегә чуму өчен инде төн уртасында ук килгән иде. Анда Воскресенск чиркәве настоятеле, протоиерей Павел Чурашов суны изгеләндерде. Урамда утыз градуслы суык булуга да карамастан, төнлә бәкегә 9 кеше чумды. Алар арасында Людмила белән Геннадий Савиныхлар да бар иде. Әниле-уллы, бу бәйрәмнән бер елда да читтә калмыйлар. Барлыгы 4нче номерлы эзләү-коткару отряды җитәкчесе Владимир Куприянов мәгълүматларына караганда, Ахтыр коесына төнлә 50 кеше килгән. Анда штаттан тыш хәл килеп туган очракта шунда ук ярдәм итәргә әзер булган коткаручылар дежур торды. Коенучыларга уңайлы булсын өчен, кешеләр киенә һәм җылына алсын өчен биредә дежур автобус куелган.

    Ә көндез, традиция буенча, чиркәүдән изге урынга хач йөреше белән килделәр. Бәкедәге суны изгеләндергәннән соң, Павел атакай дин тотучыларны Хач ману бәйрәме белән котлады.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: