“Чишмәле җәннәт”

Мөхтәрәм кардәшләр, якташлар , туганнар!
Алексеевск муниципаль районы башкарма комитетының мәдәният бүлеге, Алексеевск мөхтәсибәте хәбәр иткәнчә, быелның 16 июнендә Биләр төбәгенең Хуҗалар тавында "Чишмәле җәннәт"дип аталган бәйрәм уздырылачак. Сез биредә татар халкының күп кенә милли гореф-гадәтләрен күреп кенә калмыйча, чарада үзегез дә катнаша алачаксыз. Программадагы шәкертләрнең Азан әйтү бәйгесе, су буенда мөселманча юына белү, Биләр җиренең легендалары белән танышу, татар халкының милли уеннары һәм моңлы җырлары, татар халык ашлары сату күргәзмәсе, халыкчан дәртле биюләр барлык кешенең дә күңеленә хуш килер дип ышанабыз. Теләге булган һәркем бәйрәмгә рәхим итсен!