Приютка бүләк

Татарстан Республикасы Дәүләт Советы депутаты Алексей Демидов "Кайгырту" балалар һәм яшүсмерләр приютының ишегалды зонасын төзекләндерүгә спонсорлык итте.

Алексей Алексеевич күп еллар дәвамында авыр хәлдә калган балаларга хәйрия ярдәме күрсәтте, ә хәзер ул, республика шәһәрләрендә һәм бистәләрендә ишегалларын төзекләндерүдә ТР Президенты Рөстәм Миңнехановның инициативасын яклап, үз акчасына волейбол һәм стрит-баскетбол өчен спорт җиһазлары һәм балаларга уен комплексы сатып алып монтажлады, шулай ук приют ишегалдына ком китертте.