Бүген без табиблар һәм медицина персоналы тормышының башка ягы турында да сөйләргә телибез

Алар дәвалап кына калмыйлар, үз үрнәкләре белән алексеевскилыларны спорт белән шөгыльләнергә дә рухландыралар. Күптән түгел Татарстан Республикасы Сәламәтлек саклау хезмәткәрләре арасын-да спортның җәйге төрләре буенча “Сәламәтлек -2021” Спартакиадасы узды. Базарлы Матакта алты авыл һәм шәһәр сәламәтлек саклау учреждениеләре арасында Спартакиаданың финал ярышлары узды. Алар арасында Алексеевск үзәк район хастаханәсенең иң көчле спорт командасы исеме өчен көрәшкән спортчылар җыелма командасы да бар иде. Спартакиаданың финал ярышлары программасына йөзү, волейбол, аркан тарту, җиңел атлетика, бадминтон, өстәл теннисы һәм шахмат кертелгән иде. “Безнең спортчыларыбыз өстәл теннисы, йөзү, волейбол һәм аркан тарту буенча яхшы нәтиҗәләр күрсәттеләр. Күп кенә хезмәткәрләр берничә спорт төрендә чы-гыш ясадылар, бу аларның күпкырлылыгын күрсәтә. Хатын-кызлар командасы аркан тарту буенча беренче урынны алды, аларның фидакарьлеген билгеләп үтәсе килә. Шулай ук йөзү буенча ярышларда Алексеевск медикларына тиңнәр булмады, алар анда зур аерма белән беренче урынны алдылар. Ир-атлар волейбол командасы ахырга кадәр уенда көрәште, һәм финал ярышында Әлки районыннан хезмәттәшләренә оттырып, икенче урынны яулады. Хатын-кызлар волейбол командасы да уенның яхшы оештырылуын күрсәтте. Ирина Фионина бадминтон буенча ярышларның абсолют җиңүчесе булды. Җиңел атлетлар да яхшы чыгыш ясады: хатын-кызлар командасы швед эстафетасында өченче урынны алды. Барлык ярыш нәтиҗәләре буенча Алексеевск медиклары лаеклы рәвештә беренче гомумкоманда урынын алдылар. Профсоюз комитеты исеменнән ярышларда катнашучыларның барысына да рәхмәт белдерәбез. Баш табиб Илнар Вилдановка командага рухи һәм матди ярдәме өчен рәхмәт белдерәбез”, - диде ярышларның нәтиҗәләре турында Алексеевск үзәк район хастаханәсенең профком рәисе Зәлия Вәлиева