Эчке эшләр органнары хезмәткәрләре көненә багышланган тантаналы чара узды

Нәкъ менә шушы көнне хокук саклау органнарында хезмәт итүчеләр үзләренең авыр һәм җаваплы хезмәтләре өчен лаеклы бүләкләрен ала. Алексеевск районы башкарма комитеты җитәкчесе Олег Леденцов полиция хезмәткәрләрен һөнәри бәйрәмнәре белән котлады. Үз чыгышында ул полицейскийлар эшенең иминлекне һәм җәмәгать тәртибен тәэмин итүдә мөһимлеген билгеләп үтте, гражданнарның тынычлыгы һәм иртәге көнгә ышанычы нәкъ менә аларның фидакарь хезмәтенә бәйле булуын ассызыклады.

Олег Леденцов иң яхшыларга бүләк-ләр тапшырды. Бүләкләнүчеләрнең һәркайсы җи-наятьчелеккә каршы көрәшкә һәм хокук тәртибен саклауга зур өлеш кертте, һәм аларның хезмәте игътибарсыз калмады. Эчке эшләр министр-лыгының бүлек начальнигы Радик Әхмәт-җанов та котлауларга кушылды һәм барлык хезмәттәшләренә һәм ветераннарга ихлас рәхмәтен белдерде. 

«Сезнең тәҗрибәгез һәм зирәклегегез яшь буын хезмәткәрләре өчен үрнәк булып тора. Сезнең һәркайсыгыз безнең уртак максатыбызга — районда иминлекне һәм тәртипне тәэмин итүгә үз өлешен кертә», — дип ассызыклады ул.

Бу көнне полиция майоры Исаев Иван Дмитриевич «Эчке эшләр министрылыгнда яхшы хезмәте өчен» 2 дәрәҗә күкрәк билгесенә, ә полициянең өлкән лейтенанты Чекалина Наталья Геннадьевна «Татарстан Республикасы буенча Эчке эшләр министрлыгында яхшы хезмәте өчен» күкрәк билгесенә лаек булды.
Шулай ук 2 нче дәрәҗә «Хезмәттәге уңышлары өчен» медале белән:

-эчке хезмәт капитаны Легасов Константин Евгеньевич;
— полиция капитаны Сафин Марсель Марат улы;
— полиция капитаны Шатунов Владимир Анатольевич бүләкләнделәр.
Эчке хезмәт майоры Боговеева Диләрә Дамир кызы 1 дәрәҗә «Хезмәттәге уңышлары өчен» медале белән бүләкләнде.
3 дәрәҗә «Хезмәттәге уңышлары өчен» медальләре белән:
-полиция майоры Никашова Наталья Андреевна;
-полиция капитаны Егоров Евгений Анатольевич бүләкләнделәр.
Шулай ук тырышлыклары белән аерылып торган хезмәткәрләр район башлыгы Сергей Демидовтан Мактау грамоталары һәм Рәхмәт хатлары, Россия Эчке эшләр министрлыгының Алексеевск районы буенча бүлегеннән Рәхмәт хатлары алдылар.