Заря
  • Рус Тат
  • Ил копилкасына бронза өлешебез

    4-11 сентябрьдә Казанда БДБның Беренче уеннары узды. Алексеевск спортчысы безнең ил җыелма командасы копилкасына билбау көрәше ярышларында бронза өлешен кертте.

    Данила Зубрилов пьедесталның өченче баскычы өчен көрәштә җиңү яулады. Ә алексеевскилы Егор Кулемин бронзадан бер адымга гына калышып, дүртенче булды.

    «Җиңү җиңел бирелмәде, чөнки көндәшләр бик көчле иде, әмма өйдә тренерым һәм зуррак егетләр белән бергә шөгыльләнгәнгә пьедесталга менү бәхетенә ирештем. Әмма, әлбәттә, беренче булырга теләгән идем. Минем барысы да алда әле! Ныклап шөгыльләнәчәкбез. Әйе, спортчыларга үз илебезнең данын яклау кебек зур җаваплылык йөкләнде. Бу үз флагың, үз илеңнең мәнфәгатьләре өчен чыгыш ясаганда каты сизелә.

    Беренче чиратта тренерым Бари Равил улы Сөләймановка, әти-әниемә һәм минем өчен шундый зур һәм мөһим ярышларга әзерләнүдә ярдәм итүчеләргә зур рәхмәтемне белдерәм» - дип сөйли Данила.

    Уеннар кысаларында билбау көрәше буенча Россия спортчылары арасында барлыгы 4 алтын, 1 көмеш һәм 6 бронза медаль һәм медаль команда зачетында 2 урын.

    БДБ илләре уеннары беренче тапкыр үткәрелде. Аларда Россия, Әзербайҗан, Әрмәнстан, Белоруссия, Казахстан, Кыргызстан, Молдавия, Таҗикстан һәм Үзбәкстан җыелма командалары катнашты. Уеннар 14 яшьтән 23 яшькә кадәрге 1 139 спортчыны берләштерде. Спортчылар бадминтон, баскетбол (3х3), бокс, көрәш һәм башка спорт төрләрендә ярыштылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: