Кеше һәм закон
Алексеевск районында юл хәрәкәте кагыйдәләрен бозучыларны ачыклау максатыннан «Тоннель» операциясе узачак
Россия Эчке эшләр министрлыгының Алексеевск районы буенча ЮХИДИ бүлеге җитәкчесе вазыйфаларын вакытлыча башкаручы Илнур Зиннәтуллин хәбәр иткәнчә, 2022 елның 20-24 маенда Алексеевск районында юл хәрәкәте кагыйдәләрен бозучыларны ачыклау максатыннан «Тоннель» операциясе узачак.
Дәүләт автоинспекциясе хезмәткәрләре күп тапкырлар административ җаваплылыкка тартылган, балаларны йөртү кагыйдәләрен үтәмәгән, транспорт чарасы конструкциясенә тиешле булмаган үзгәрешләр керткән, шулай ук транспорт чарасы белән таныклыксыз яки исерек килеш идарә иткән машина йөртүчеләргә аерым игътибар бирәчәк.
Игътибарлы булыгыз һәм юл хәрәкәте кагыйдәләрен үтәгез!
Следите за самым важным и интересным в Telegram-каналеТатмедиа
Нет комментариев