Заря
  • Рус Тат
  • Участковыйлар көне

    17 ноябрь көнне полициянең участок уполномоченныйлары хезмәте барлыкка килүгә 91 ел тулды. Шул уңайдан без әлеге хезмәт һәм полициянең балигъ булмаганнар эшләре буенча җирле бүлеге бүлекчәсе начальнигы Александр Краснов белән әңгәмә корабыз.

    - Александр Степанович, участковыйлар хезмәтенең үсү тарихы турында бераз сөйләгез әле.


    - Полициянең уполномоченный участковые - Россия Федерациясенең Эчке эшләр министрлыгы системасында иң борынгы хезмәтләрнең берсе. Патша Россиясенең тирә-яктагы һәм квартал надзирательләре, шулай ук узган гасырның 20 еллары участок надзирательләре аңа үрнәк булып торган.


    Участковыйларның заманча тарихы 1923 елның 17 ноябреннән исәпләнә башлана, нәкъ менә шул вакыттан ул һөнәри бәйрәм буларак билгеләп үтелә. Бүген бу хезмәт эчке эшләр органнары системасында үзәк урыннарны алып тора һәм гражданнарның яшәү урыннары буенча хокукларын һәм ирекләрен яклау гаранты булып исәпләнә. Асылда бу, полицияне халык белән бәйләп торучы звено булып тора, мин хәтта, гражданнарга җәмәгать тәртибен саклауда реаль ярдәм оештыручы һәм тәкъдим итүче төп көч дип әйтер идем.


    - Әлеге тәртип сагында күпме хезмәткәр тора?


    Бүгенге көндә безнең хезмәт сафларында 11 кеше исәпләнә, өстәвенә хезмәткәрләрнең күбесе әлеге изге хезмәттә 10 елдан артык хезмәт итә. Кечкенә генә состав булуына карамастан, бу елның 10 аенда гына да полициянең участок уполномоченныйлары тарафыннан 47 җинаять ачылды, 1200 административ хокук бозучы ачыкланды, 1793 гражданнар мөрәҗәгате: гариза һәм шикаять каралды.


    Шуңа да гаҗәп түгел, кайбер минем хезмәттәшләремнең үзләренең хезмәт вазыйфаларын намус белән үтәгәне өчен ведомство бүләкләре бар. Мәсәлән, полициянең участок майоры Эркинбек Джумаев Россия Эчке эшләр министрлыгының "Хезмәттәге батырлыгы өчен" медале белән бүләкләнде, ә өлкән участковый полиция майоры Навил Хәмидуллин, участковыйлар полиция капитаны Тимур Мәрданов, өлкән лейтенант Анатолий Егоров һәм тагын Эркинбек Джумаев "Милиция уполномоченныйларының иң яхшы участковые" дигән күкрәккә тага торган билге белән бүләкләнде. Моннан тыш, һөнәри бәйрәмнәре уңаеннан Тимур Мәрданов республиканың Эчке эшләр министрлыгы министры тарафыннан бүләкләнде.


    Безнең хезмәтнең башка хезмәткәрләре дә мактауга лаек - майор Фәргат Миңгадиев, капитан Алексей Мишанин, шулай ук хезмәт ветераннары Александр Ильин, Владимир Землянский, Виктор Ульянов һәм Владимир Колебанов. Форсаттан файдаланып, әлеге мөһим һөнәргә үзен багышлаган барлык кешегә рәхмәт әйтәбез, бурычыгызга тугры калуыгыз һәм аяусыз хезмәтегез өчен чын күңелдән рәхмәт. Барыгызга да, гаиләләрегезгә дә нык сәламәтлек, иминлек һәм җиңел булмаган, тик кешеләргә кирәкле хезмәтегездә уңышлар телибез!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: