Кешеләр һәм язмышлар
Халык бердәмлеге көнендә Чиркәү мәйданында традицион көзге ярминкә булды
Бәйрәм көнендә кешеләр авыл хуҗалыгы продуктлары сатып алу өчен бистәнең төп мәйданына килделәр. Гадәттәгечә, ит, кәбестә, бәрәңге, ашлык һәм фуражга сорау зур булды.
Өстәвенә күп кенә авыл хуҗалыгы продуктлары сата башлауга ук диярлек сатып бетерелде. Мәсәлән, халык фермер Илдар Гомәровның ике тонна кәбестәсен һәм бәрәңгесен санаулы минутларда ук алып бетерде. "Эдем" машинасы сатуның беренче сәгатендә үк үзенең автолавкасын яңадан тутыру өчен складка барды.
Ит тә күз ачып йомганчы бетте. Сәгать 9 га Кыр Шунталысыннан Римма һәм Самат Галиевлар итнең килограммын 280-320 сумнан саттылар. Галиевларның сүзе буенча ярминкәдә аларның ите гел популяр һәм аларның үз клиентлары бар. Һәрвакыттагыча "Алга" колхозы ите дә популяр булды.
Алексеевскилылар үз хуҗалыкларында вак терлек, кош-корт асрыйлар. Бу көнне алар ашлык алдылар. Мәсәлән, пенсионерка Екатерина Гайнетдинова "Элита" хуҗалыгыннан тавыкларга ашату өчен өч капчык ашлык сатып алды.
- Мин гел алардан алам, ашлыклары чиста һәм яхшы. Ярминкәдән алу шуның өчен дә уңайлы, алган әйбереңне өеңә үк китереп бирәләр. Өлкәннәр өчен бу бик әйбәт, - диде ул.
Бодайның килограммы 8 сумнан 5 сумга үзгәреп торды, ә арпа бәясе 5-7 сум тәшкил итте. Бу көнне фермерлар һәм авыл хуҗалыгы предприятиеләре дә дуңгыз балалары, печән һәм салам саттылар.
Ярминкәдә мәктәпкәчә балалар учреждениеләре балалары ясаган вак-төяк әйберләрне дә карарга була иде. Үзешчән артистлар бәйрәм халәте тудырдылар, алар халык һәм эстрада җырларын һәм биюләр башкардылар. Концертның тамашачылары спонсорлардан күңелле сюрпризлар отты: фермер Илдар Гомәров бер капчык кәбестә, "Элита" хуҗалыгы ике капчык ашлык бирде.
Сәхнәдә конкурста катнашучылар өйләренә Биләр урман хуҗалыгы миннекләре белән кайтып киттеләр, бала-чага һәм өлкәннәр райподан татлы призлар алдылар. Ә үзешчән сәнгатьтә катнашучылар "Керамика-Маркет" өчпочмаклары һәм пирожкилары белән сыйландылар.
Традиция буенча бәйрәмнең бөтен кунаклары тәмле коймаклар белән чәй эчтеләр, ә балалар өчен күңелле конкурслар үткәрелде.
Следите за самым важным и интересным в Telegram-каналеТатмедиа
Нет комментариев