Машага тагын ярдәм кирәк

Әнисе Тамара Николаевна безгә хәбәр иткәнчә, операция алты сәгать барган, кичке сәгать алтыларда гына тәмамланган. Сабый бераз көйсезләнә һәм әле аңына килмәгән. Табиблар, операция уңышлы чыкты, диләр.

"Ураааа, безнең барысы да яхшы килеп чыкты!!! Операция тәмам", -дип язган кызның әнисе социаль челтәрдә. Хәзер аларга бер айга якын Санкт Петербургта Г.И.Тутнер исемендәге балалар ортопедия институтында тернәкләндерү узарга туры киләчәк. Моның өчен 6 тутер -махсус тотып тора торган бәйләвечләр сатып алырга кирәк. Аларның һәркайсының бәясе 50 мең сум тора. Бүгенге көндә аларның акчалары 50 мең сум гына калган. Тик ул операциядән соң дару препаратлары сатып алырга гына җитәчәк. Гаилә бүгенге көндә дә ярдәмгә мохтаҗ.

Кызчык алты атна гипста ятачак, аннары инде тернәкләндерү өчен туторлар кирәк булачак.

Елдашовлар гаиләсенә "Ак Барс Банк" картасына: 4244 3695 1131 4624; яки 8-937-572-78-43 телефон номерына, шулай ук «Саклык банкы"ның 42307810362000392199 исәп-хисабына Елдашова Мария Алексеевна исеменә акча күчереп ярдәм итәргә була.