Заря
  • Рус Тат
  • 7 июльдә Ольга Николаевна Ошина үзенең 55 яшьлек юбилеен билгеләп үтте.

    Ольга Николаевна, юбилеегыз белән! Мәктәп өчен сез җаныгызны бирәсез, бар эшкә дә өлгерәсез. Ныклы урынбасар кулы белән спорт мәктәбен күтәрәсез.

    7 июльдә Алексеевск спорт мәктәбенең спорт эшләре буенча директор урынбасары Ольга Николаевна Ошина үзенең 55 яшьлек юбилеен билгеләп үтте. Биредә ул 2001 елда нигез салынганнан бирле эшли. Ольга Николаевна Алексеевск спортчыларының барлык спорт уңышларына ирешергә ярдәм итүче кешеләрнең берсе булып тора.

    Һичшиксез, аның тәҗрибәсе һәм профессиональ сыйфатлары тренерларның һәм спортчыларның нәтиҗәләренә йогынты ясады. Оештырылган методик эш, тренировкаларның дөрес төзелгән процессы нәтиҗәсендә көн саен спорт өлкәсендә дә, спорт командасында да уңышка нигез салына. 20 ел спорт мәктәбендә эшләгән дәвердә Ольга Николаевна үзен җаваплы хезмәткәр, максатчан, игътибарлы, грамоталы белгеч буларак кына күрсәтте. Әмма шундый «коры» һәм формаль сүзләр белән генә бу күпкырлы ханымны: зирәк остазны, яратучы әнине, яхшы хезмәткәрне тулысынча тасвирлап булмый. Үзендә профессиональ күнекмәләрне талант белән бергә берләштерә белүе нәтиҗәсендә безнең спорт мәктәбебез үсешенә зур өлеш кертте. Һәм хәзер Алексеевск балалар-яшүсмерләр спорт мәктәбе бөтен республикага танылды. Ольга Николаевна тренерларның эшен оештыру һәм контрольдә тоту буенча күп вакытын һәм көчен бирә. Эшкә тугры булуы турында спорт мәктәбенең бүләкләре дә сөйли. Ольга Николаевнаның эшчәнлеге дәверендә мәктәп 6 тапкыр 30 меңгә кадәр кеше яшәүче районнар арасында ТР укучылары спартакиадасы призеры, дүрт тапкыр ТР балалар-яшүсмерләр спорт мәктәпләре арасында укыту-тәрбия эшен оештыру буенча призер булды.

    Ольга Николаевнаның педагоглыкка сәләте бар. Аны эчке культура, белеменең киң һәм тирән булуы, намуслылык, югары җаваплылык хисе, үз һөнәренә гашыйк булу аерып тора. Ул үз эшенә тугры, шуның өчен дә хезмәттәшләре, укучылар һәм ата-аналар арасында лаеклы хөрмәт һәм абруйга ия.

    Юбиляр турында

    аның хезмәттәшләре сөйли

    Кәбиров Рөстәм Рәшит улы (балалар-яшүсмерләр спорт мәктәбе директоры): - Ольга Николаевна үзенең ярты гомерен Алексеевск районында спортны үстерүгә багышлады. Аның хезмәт сөючәнлеге һәм үз эшенә җаваплы каравы күпләрне кызыксындыра һәм билгеләнгән максатларга ирешергә мөмкинлек бирә.

    Архипова Ксения Николаевна (тренер): - Ольга Николаевна искиткеч остаз, ул күп нәрсәне белә. Аның сизгер җитәкчелеге астында спорт мәктәбе укучылары тәртипле, сәламәт һәм физик яктан әзерлекле булып үсәләр. Киңәшләрегез һәм үгет-нәсыйхәтләрегез өчен рәхмәт сезгә.

    Новикова Анна Анатольевна (ФОРПОСТ директоры): - Ольга Николаевна таләпчән, кайгыртучан директор урынбасары, тренерларны саклаучы, аналитик акыллы, тирән белемле, коллективта да, эштә дә яңалыкка омтылучан зур хәрефтән белгеч.

    Кадерле Ольга Николаевна, сезне юбилеегыз белән котлыйбыз! Сезгә нык сәламәтлек, гаилә иминлеге, ихлас елмаюлар, шатлык һәм уңышлар, күңел күтәренкелеге һәм күзләрегезнең гел балкып торуын телибез!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: