Заря
  • Рус Тат
  • Алексеевск муниципаль районы башлыгы Владимир КОЗОНКОВНЫҢ 8 март бәйрәме белән котлау сүзләре

    Кадерле Алексеевск районы кешеләре!

    Язның беренче бәйрәменең нәкъ менә хатын-кызлар белән бәйләнгәнлеге символик: озакка сузылган кыштан соң язгы кояш салкын җирне җылыткан кебек, сез дә күңел җылыгыз, назыгыз һәм кайгыртуыгыз белән гаилә учагына җан өрәсез, иң кырыс ир-атлар күңелен дә йомшартасыз. Бу бәйрәм аерым бер җылылык белән билгеләп үтелә. Ул үзе белән ир-егетләрнең кешелек дөньясының гүзәл затларына гаять зур мәхәббәтен һәм хөрмәтен, ягымлылыгын һәм сак карашын гәүдәләндерә. Һәркайсыбыз өчен иң кадерле кыйммәтләр: туган өй нуры, мәхәббәт, тугрылык сезнең белән бәйләнгән.

    Табигатьнең үзе кебек үк сез яңа тормыш, мәхәббәт, матурлык чыганагы булып торасыз. Без, ир-атларга, үз көчебезгә ышаныч тудырасыз, авыр минутларда булышасыз, илһамландырасыз, зирәклек һәм сизгерлек үрнәге күрсәтәсез. Бу көн сезгә карап соклану, мәхәббәтегезне белдерүегез, тормыш бүләк итүегез, тирә-якны җылылык һәм кайгырту белән чолгап алуыгыз, акыллылыгыгыз, кайгыда да, шатлыкта да һәрчак янәшәдә булуыгыз, сез янәшәдә булганда безнең көчле булуыбыз өчен рәхмәт әйтергә тагын бер сәбәп. Аерым рәхмәтебез хөрмәтле хатын-кызларыбыз - сугыш ветераннарына һәм тыл хезмәтчәннәренә, хезмәт ветераннарына, сугыш ветераннарының тол хатынннарына, барлык өлкән буын хатын-кызларына, һәм без алар алдында баш иябез. Район тормышында актив катнашырга омтылып, авыл хатын-кызлары нәфислекләрен, ягымлылыкларын һәм мөлаемлекләрен югалтмыйлар, мәңгелек кешелек кыйммәтләре чыганагы булып калалар, дөньяга тынычлык, гармония һәм гүзәллек алып киләләр. Сөекле һәм хөрмәтле хатын-кызларыбыз! Тормышыгыздагы һәр мизгелгә шатланып, бәхетле һәм яратылып яшәгез. Янәшәгездә һәрвакыт нык, ышанычлы ир-ат җилкәсе булсын, өегездә тынычлык һәм татулык хөкем сөрсен!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: