Заря
  • Рус Тат
  • Алексеевск районда хәйрия проекты старт алды

    Алексеевск шәһәр җирлегенең депутатлар корпусы инициативасы белән районда хәйрия проекты старт алды, аның кысаларында Алексеевск һәм Биләрдә аз тәэмин ителгән гаилә балалары өчен бәйрәм утренниклары булып узды.

    Җомга көнне, 22 декабрьдә, район үзәгендә Яңа ел чыршысына төрле сәбәпләр аркасында балалар бакчаларына йөрмәүче (кайбер ата-аналарның балаларын бакчага йөртү өчен акчалары, икенчеләренең мөмкинлекләре юк) кырыкка якын бала килде.
    Алар бәйрәмсез һәм бүләксез калмасын өчен аларны "Апельсин" кафесына чакырдылар. Анда "Холодное сердце" мультфильмыннан әкият персонажлары Анна һәм кар малай Олаф балалар белән бергә Кыш бабай янына барып җитү өчен күп кенә күңелле каршылыкларны җиңеп чыктылар.
    Малайлар һәм кызлар шулай ук кызыл борынлы әйбәт тылсымчыга шигырьләр сөйләделәр, моның өчен ул аларга бүләкләр бирде. Бәйрәм башланыр алдыннан бала-чаганы һәм ата- аналарны якынлашып килүче Яңа ел белән район башлыгы урынбасары Галина Белова һәм депутат Наталья Гордеева котлады, ул балаларга һәм аларның ата-аналарына Яңа ел пакетлары һәм тәм-томнар тәкъдим итте.
    Дүшәмбе көнне, 25 декабрьдә, Биләр авылы мәдәният йортында Биләрнең үзендә һәм аның тирә-ягындагы авылларда яшәүче 37 бала өчен утренник булды. Балалар өчен әкият геройлары матур котлау әзерләгән иде. Бүләкләр һәм Яңа ел пакетларын Алексеевск шәһәр җирлеге депутатлары тәкъдим итте, алар бу пакетларны һәм бүләкләрне үз акчаларына сатып алдылар, ә "Кайгырту" приюты үз уенчыкларының бер өлеше белән бүлеште, бу учреждениедә алар җитәрлек.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: