Заря
  • Рус Тат
  • БАРИ СӨЛӘЙМАНОВНЫҢ ЮГАРЫ КАЗАНЫШЫ

    17 ГЫЙНВАРДА ИДЕЛ БУЕ ДӘҮЛӘТ ФИЗИК КУЛЬТУРА, СПОРТ ҺӘМ ТУРИЗМ АКАДЕМИЯСЕНЕҢ "АКАДЕМИЯ" ЗАЛЫНДА МИНИСТРЛЫК КОЛЛЕГИЯСЕНЕҢ "2017 ЕЛДА ЯШЬЛӘР ЭШЛӘРЕ ҺӘМ СПОРТ МИНИСТРЛЫГЫНЫҢ ЭШ ЙОМГАКЛАРЫ ҺӘМ 2018 ЕЛГА БУРЫЧЛАР ТУРЫНДА" ДИГӘН ТЕМАГА КИҢӘЙТЕЛГӘН УТЫРЫШЫ ҮТКӘРЕЛДЕ.

    БУ ВАКЫЙГА БЕЗНЕҢ РАЙОН ӨЧЕН ДӘ ӘҺӘМИЯТЛЕ БУЛДЫ. АЛЕКСЕЕВСК СПОРТ МӘКТӘБЕНЕҢ ТРЕНЕР-УКЫТУЧЫСЫ ЮГАРЫ ИСЕМГӘ ЛАЕК БУЛДЫ.

    "Россиянең атказанган тренеры" дигән мактаулы исем якташыбыз - Татарстан Республикасы Алексеевск муниципаль районының "Балалар-яшүсмерләр спорт мәктәбе" балаларга өстәмә белем бирү муниципаль бюджет белем бирү учреждениесе тренеры Бари Сөләймановка бирелде.
    Бари Равил улы - гомере буена спорт белән җенләнгән кеше. Ул унике Россия призеры һәм дүрт дөнья чемпионы әзерләгән кеше.

    Хатыны һәм ике баласы белән Кыргызстан Республикасыннан Алексеевск районына күчеп килгәннән соң ирекле көрәш секциясе оештырды ул. Баштан дәресләргә малайлар берән-сәрән генә йөрде. Ләкин күп тә үтми халык арасында Бари Сөләймановның тренерлык һәм укытучылык таланты турында сүзләр таралды. Менә инде бүген аның җитәкчелегендә йөздән артык спортчы шөгыльләнә.

    Бари Равил улы унике спорт мастеры (шулардан тугыз егет һәм өч кыз), ике халыкара класслы спорт мастеры һәм бер атказанган спорт мастеры тәрбияләде. Һәр тәрбияләнүчесенә ул үз баласына караган кебек карый, аны спортта уңышларга ирешүгә рухландыра.

    Үз тренерлары турында титуллы Алексей Абрамов белән Тимур Латыйпов менә нәрсә диләр:
    - Мин үз тренерымны бик яратам һәм хөрмәт итәм. Ул искиткеч укытучы гына түгел, ә бәлки менә дигән кеше дә. Бари Равил улы безнең турыда үз балаларын кайгырткан кебек кайгырта. Моның өчен без аңа бик рәхмәтлебез. Аны чын күңелдән "Россиянең атказанган тренеры" исеме бирелү белән котлыйм, - дип фикерләрен уртаклашты Тимур.

    - Безнең тренерыбыз - мин белгән иң яхшы тренер. Ул безнең өчен укытучыдан да артыграк. Бари Равил улы һәркайсыбызга аталарча җылы һәм яхшы мөнәсәбәттә. Бөтен күңелен без, спортчыларга бирә торган эчкерсез, ихлас һәм ярдәмчел кеше ул, - диде Алексей.

    Үз тренерларының эшен шәкертләре дәвам иттерә. Мәсәлән, Биләрдә балаларны кайчандыр Бари Равил улының тәрбияләнүчесе булган Олег Курнашов өйрәтә.

    Бари Равил улын без чын күңелдән шушы лаеклы исеме белән котлыйбыз. Гомеренең күп өлешен ул сайлаган эшенә хезмәт итүгә, бергә-бер сугышының иң яхшы традицияләрен саклап калуга багышлады. Ул исемнәре дөнья бәйгеләрендә яңгыраучы тулы бер күренекле буын тәрбияләде.

    Бари Равил улы җитәкчелегендә спортчылар тагын бер кат мактау пьедесталының иң югары баскычына күтәрелерләр һәм үз исемнәрен дөньяны шаулаткан спорт җиңүләре елъязмасына язарлар, дигән ышанычта калабыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: