Заря
  • Рус Тат
  • «Элита» хореография коллективы («Акварель» төркеме) – «Йолдызлык» лауреаты!

    «Созвездие-Йолдызлык»-2019: ЯҢА ҮРЛӘР!

    Алексеевск артистлары - «Акварель» төркеме II дәрәҗә лауреат булдылар.

    Коллективның җитәкчесе - талантлы педагог-хореограф Елена Секалина. Алексеевскилылар мондый масштаблы республика конкурсында иң яхшылар исеме өчен беренче ел гына көрәшми. Осталыклары, талантлары һәм тырышлыклары үз эшен башкарды. Алексеевскилылар - иң яхшылар арасында! «Созвездие-Йолдызлык» XIX Республика ачык телевизион яшьләр эстрада сәнгате фестиваленең йомгаклау Гала-концерты «Пирамида» мәдәни-күңел ачу комплексында узды.

    Унтугызынчы фестиваль Татарстанда яшьләр сәясәте гамәлгә ашырылуына 25 ел тулуга багышланган иде. Бәйрәм концерты сәхнәсенә 1500 яшь талантлар чыкты һәм “Вокал”, “Хореография”, “Конферанс” номинацияләрендә иң яхшы номерларын тәкъдим иттеләр. Татарстанның иң талантлы балалары оештырган искиткеч матур тамашадан соң, җиңүчеләрнең һәм Гран-при иясенең исемнәре игълан ителде.

    Жюри әгъзаларыннан югары бәяләү алгач, «Элита» хореография коллективының Акварель төркеме - «Ух ты лён, мой лён» биюе белән, «Хореография, кече төркем» номинациясендә II дәрәҗә лауреат исеменә лаек булды. Безнең талантлар медальләр, диплом һәм истәлекле бүләкләр белән бүләкләнде.

    Җиңүчеләрне уңышлы чыгышлары һәм лаеклы җиңүләре белән котлыйбыз! Аларга киләчәктә дә уңышлар һәм яңа үрләргә ирешүләрен телибез!

    Нравится
    Поделиться:
    Реклама
    Комментарии (0)
    Осталось символов: