Заря
  • Рус Тат
  • Машина - янгын чыгуга сәбәп

    Эзләү-коткару хезмәтенең 104 элемтә пультына көн саен шалтыратулар күп килә.

    28 июльдә сәгать 16.20дә Масловка авылы янында печән яну турында хәбәр килде. Янгын сүндерүчеләр килеп җиткәнче Масловка авылыннан 1,5 км ераклыкта юл читендә 5 төргәк печән янды. Янгын сүндерелде, янгын сәбәпләре ачыклана.

    29 июльдә 13 сәгатьтә элемтә пультына Алексеевск районының күп функцияле үзәгендә янгын чыгуы турында хәбәр килде. Янгын сүндерүчеләр килгәч бинаның тышкы ягында, стенада урнашкан электр тактада кыска ялганыш булганын ачыклаганнар. Гадәттән тыш хәлләр хезмәтенең тиз реакциясе нәтиҗәсендә янгынны булдырмый калып булды, янгын чыганагы бетерелде.

    Коткаручылар Алексеевск районында урып-җыю кампаниясе бару сәбәпле, янгын куркынычсызлыгы чараларын үтәргә кирәк булуны искәртеп уза.

    Коры культураларның тамырларына ут бик җиңел каба. Ут белән саксыз эш итү генә түгел, ә кыр буенча узып баручы машиналардан чыккан газлар белән янучы матдәләр кушылуы да янгын чыгуга сәбәп булырга мөмкин.

    Фото astrakhan-24.ru сайтыннан.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: