Заря
  • Рус Тат
  • Югары дәрәҗәдәге бадминтон

    Якшәмбе көнне Россия, Болгария, Әрмәнстан һәм Израиль бадминтон федерациясе җитәкчеләре Алексеевскида бадминтон үсеше үзәгендә булдылар.

    Бу көнне анда «Татарстан Республикасы шәхси кубогы»на сайлап алу кысаларында бадминтон буенча Татарстан Республикасы Үзәк лигасы ярышлары узды. Финал өлешенә сайлап алу өчен алты районнан 90га якын спортчы көч сынашты.

    Россия милли бадминтон федерациясе советы рәисе Андрей Антропов, Артур Хачатрян һәм Оганнес Хачатрян (Әрмәнстан бадминтон федерациясе), Пюзан (Болгар федерациясе), Михаил Зильберман (Израиль федерациясе) һәм Татарстан Республикасы бадминтон федерациясе президенты Юрий Чаплыгин «Татарстан Республикасы шәхси кубогы»на сайлап алу кысаларында бадминтон буенча Татарстанның Үзәк лигасы ярышларында катнашучыларны сәламләделәр һәм яшь спортчылар белән гомуми фото ясадылар.

    Шулай ук делегация Татарстан Республикасы Хисап палатасы рәисе Алексей Демидов озатуында Воскресенск чиркәвендә булды. Алар өчен чиркәү хезмәткәрләре экскурсия үткәрде, ә кунаклар үзләре шәмнәр куйдылар. Шулай ук федерация җитәкчеләре Герман Казанский исемендәге часовняны карадылар. Алексеевск районына визит кысаларында кунаклар Биләрдәге Изге чишмәдә булдылар.

    Ярышларга килгәндә исә, финал өлешенә 18 спортчыбыз үтте. Моннан тыш, сайлап алу турнирын ачу тантанасында яңа спорт формасы тәкъдим ителде, аларда Алексеевск бадминтончылары төрле дәрәҗәдәге ярышларда чыгыш ясаячак. Стильле һәм матур форма район башлыгы Сергей Демидов инициативасы белән сатып алынган.

    «Форма безгә ошый, ул бик уңайлы», - диде Данил Борков. «Безнеке кебек матур спорт костюмнары әле беркемдә дә юк», - ди Александра Херувимова. «Хәзер без башка спортчылар янында аерылып торачакбыз. Мондый бүләк өчен зур рәхмәт!» дип бадминтончыларның гомуми фикерен белдерде Виталина Кузьмина.

    Нравится
    Поделиться:
    Реклама
    Комментарии (0)
    Осталось символов: