26 декабрь Россиядә матәм көне дип игълан ителде
Сочи аэропортыннан күтәрелгән Ту-154 самолеты Кара диңгез өстенә егылып төшә.
(Казан, 25 декабрь, «Татар-информ»). Иртәгә, 26 декабрьдә, Оборона министрлыгының Ту-154 самолеты һәлакәтенә бәйле рәвештә Россиядә матәм көне дип игълан ителде. Бу хакта Россия Президенты Владимир Путин белдерде дип хәбәр итә ТАСС.
Исегезгә төшерәбез, Оборона министрлыгының Ту-154 самолеты якшәмбе иртәсендә Сочидан кузгалып китеп 20 минуттан соң радарлардан югала. Аның Кара диңгезгә егылып төшкәнлеге мәгълүм була. Самолет бортында өч федераль каналның - Первый, НТВ һәм «Звезда» журналистлары, Александров исемендәге җыр һәм бию ансамбле, шулай ук, Елизавета Глинка булган.
Следите за самым важным и интересным в Telegram-каналеТатмедиа
Нет комментариев