Александра Кочкина гомере буе Алексеевск сөт комбинатында эшләде

(Елена Макарихина сөйләве буенча, район ветераннар Советы рәисе, гомере буе заводта эшләгән)

Александра Кочкина гомере буе Алексеевск сөт комбинатында эшли. Башкорт шахтерының кызы распределение буенча, Мелеуз азык-төлек сәнәгате техникумын тәмамлаганнан соң, безнең якларга эләгә. Ул чакта бөтен гомерен сәнәгать гигантына, Алексеевск сөт-консерв комбинатына багышлаячагы, анда 43 ел эшләве аның уена килгән микән?

Баштан ул кечерәк сөт заводлары - Алексеевск районының Биләр, Әлки районының Базарлы Матак һәм Юхмачы заводлары, Спас районының Пичкасский, Зеленковский, Кузнечиха һәм Өч күл заводлары буенча технолог булып эшли. Күпме юллар узарга туры килә аңа... Юллар юк, сөт «өелеп ята» – яшь Шурага барысын да колачларга кирәк. Тик ул барысына да өлгерә, барысын да белә, вакытында чаралар күрә.

70 нче еллардан Александра Федоровна профсоюз оешмасын җитәкли. Оста эшче генә түгел, үзешчән сәнгать лидеры, санитария дружинасы командиры да – барысы да бер хатын-кыз кулында.

Аннан соң ике ел заводта өлкән бухгалтер булып эшли. Ә 1985 елдан 1988 елга кадәр төп җитештерү цехы башлыгы була.

Бары завод эшчеләре генә сөтнең нәрсә икәнен һәм аның белән ничек эшләргә кирәклеген белә. Өч сменалы эш, тәүлегенә 300 тоннадан артык сөт җитештерелә - барысын да эшкәртергә кирәк - ул бит су түгел, иртәгә кадәр көтеп тормый. Барысына да өлгердек, барысы да вакытында эшкәртелде, әлбәттә, төп җитештерү цехы коллективының барлык хезмәткәрләренең алтын куллары ярдәмендә.

Аннан соң 13 ел Александра Федоровна директор урынбасары булып эшли. Ә 2002 елдан 2009 елга кадәр аның җилкәсенә янә авыр участок һәм тәэмин итү бүлеге җитәкчесе вазифасы төшә.

Александра Федоровна нинди участокта эшләсә дә, без аның, һичшиксез, барысын да булдыра алганын, аны коллектив хуплаячагын һәм аның артыннан команда барачагын беләбез.

Менә шулай башкорт студентыннан - искиткеч хатын-кыз, оештыручы, җитәкче, лидер һәм дус – Кочкина Александра Федоровна барлыкка килде. Ул безнең Алексеевск районы кешесенә әверелде. Биредә аның искиткеч балалары- Светлана һәм Алексей, оныклары, күп санлы дуслары бар.

Александра Кочкина юбилеен беренче яз аенда билгеләп үтә. Ветераннар советы, якташлары юбилярны котлыйлар. Кадерле, сөйкемле Александра Федоровна! Юбилеегыз белән сезне! Сезнең янәшәгездә һәрвакыт ярдәмчел, кайгыртучан, тугры һәм яраткан якын кешеләрегез булсын. Шатлык һәм сәламәтлек сезне бик күп еллар ташламасын.

«Заря»/«Таң» газетасы редакциясе дә әлеге котлауларга кушыла. Сезгә нык сәламәтлек, бәхет телибез.