Алексеевскилылар якташларыбызга ярдәм кулын суздылар

Әлеге изге эш район башлыгы һәм оешма һәм предприятиеләр җитәкчеләре хуплавында эшләде. Әлеге проект кысаларында күп балалы һәм аз керемле гаиләләр өчен киемнәр җыю оештырылды. Изге эшне 14 нче округ буенча шәһәр җирлеге депутаты Наталья Гордеева башлап җибәргән иде. Менә безгә бер ел нәрсәләр эшләнүе турында сөйли:

- Күп кенә гаиләләр якташларыбызның ярдәм кулы сузуын сизде. Без, шул кадәр кешенең ярдәмгә чакыруына җавап биргәненә рәхмәт әйтәбез. Кыен хәлдә бөтен кеше дә калырга мөмкин. Ярдәм кулы сузучы булса, ул бик үк кыен да булмаска мөмкин.

Без мохтаҗ гаиләләргә көчебездән килгәнчә булыштык. Киемнәр, аяк-киемнәре, тормыш кирәк-яракларын капчыклап алып килделәр. Болар барысы да дистәләгән гаиләгә озатылды. Без бит яшьтә чикләр куймадык. Кешеләр үзләренә дә, балаларына да киемнәр сайлап ала алды.

Без башка кешеләрнең кайгысына битараф булмаган бөтен кешегә рәхмәт әйтәбез, Аллаһы Тәгалә исәнлегегезне бирсен.