Пандемия чорының «Феноменнары»

Әмма үлемгә китерергә сәләтле вирус йөргәндә «плащсыз геройлар» турында без бик аз сөйлибез. Бу безнең яраткан табибларыбыз, алар йокыны һәм ялны белмичә, үз балаларын күрмичә, ковид госпитальләрендә безнең гомер-ләребезне коткаралар. Бу безнең хөрмәтле фельдшерларыбыз да, алар башта авылдашларын коткару вакцинасын ясатырга кирәклегенә озак һәм җентекле итеп үгетлиләр, аннары прививка ясатырга теләүчеләрдән торган чиратны кабул итәләр, ә кичләрен документлар белән утыралар, үз медицина реестрларына мәгълүматлар кертәләр. Бу безнең волонтерларыбыз да, алар үзләренең хезмәт вазифаларыннан тыш компьютерны белмәгән өлкәннәргә QR-кодны чыгарырга ярдәм итәләр, хәзерге вакытта ансыз беркая да барып булмый... Ниһаять, бу безнең кадерле социаль хезмәткәрләребез. Бу кешеләр бөтенләй үзенчәлекле. Аларның кайдан шуның кадәр түземлек алулары, аларның игелек һәм мәрхәмәтлелек чыганагы нәрсәдә икән? Әмма бу нәфис хатын-кызлар үзләренең ниндидер шәхси нәрсәләрен корбан итеп, ярдәм кирәк булган кешегә көннең һәм төннең теләсә кайсы вакытында ярдәмгә килергә әзер. Шундый геройларның берсе белән без кичә таныштык. Аның исеме Наталья Владимировна Демидова. Мин җәмәгать рейсы белән кешеләрне вакцинацияләү урынына алып килергә ярдәм итәм, алар сәламәтлекләре буенча үзләре генә бара алмыйлар. Натальяның битендә күнегелгән “гардероб”быздагы медицина битлеге. Шуның өчен аның йөзе тулысынча диярлек капланган. Әмма күзләрне яшереп булмый. Бу күзләр игелек белән балкып тора. Ул үз карамагындагы кешеләрне ачык йөз белән каршы алды. Аларны автобуска утыртты. Юлда барганда өлкәннәргә вакцинациянең файдасы һәм олы яшьтәге кешеләргә гомерләрен куркыныч астына куймаска һәм коронавирустан прививка ясатырга кирәклеге турында сөйләде. Кайчандыр үзе сайлаган эш өчен җан атып йөрүе, аңа һәм хезмәттәшләренә картларны прививка ясатырга үгетли алуларына сөенүе күренеп тора.

«Мин мондый игелекле кешеләрне күптәннән күргәнем юк», - ди Владимир Анатольевич. Без аны Наталья Владимировна белән ул көнне өстәмә вакцинация пунктына алып килдек. «Без шундый инде... Феноменнар», - дип елмая Наталья.