Район җитәкчесе Сергей Демидов укучыларны һәм педагогларны Белем көне белән котлады

Бүген кемнәр төп геройлар? Әлбәттә инде, мәктәп укучылары һәм укытучылар!  Аркаларына авыр-авыр рюкзакларын асып һәм кулларына гаҗәеп матур чәчәкләр торып, алар яңа уку елын башлап җибәрү өчен туган мәктәпләренә җыелдылар.

Район җитәкчесе Сергей Демидов укучыларны һәм педагогларны Белем көне белән котлады. Сергей Анатольевич аларга  уңышлы укуларын, нык сәламәтлек һәм яңа ачышлар шатлыгы теләде! Шулай ук җыелучыларны яңа уку елы белән биоресурслар буенча Татарстан Республикасы Дәүләт Комитеты Рәисе Фёдор Батков та котлады. Ул Татарстан Республикасы Президенты Рөстәм Миңнехановның котлавын укыды:

– Мәктәп – ул шундый нигез, анда безнең бөтен җәмәгать биналарыбыз корыла, Татарстанның һәм бөтен Россиянең киләчәге аның ничек ныклы һәм озакка чыдавына бәйле, – диелә котлауда.

Уку елы алдыннан Сергей Демидов мәктәп директоры Людмила  Липлянинага                     50000 сумлык сертификат тапшырды.

“Беренче тапкыр – беренче сыйныфка”. Таныш сүзләр, без аларны яңа гына мәктәп бусагасын атлап кергән  беренче сыйныф укучыларына карата кулланырга күнеккәнбез. Ләкин аны педагоглар да куллана. Мәсәлән,  укытучы үзе дә беренче тапкыр мәктәпкә укытырга килгән һәм аңа 1 нче сыйныф  ышанып тапшырылган очракта.  Икенче мәктәпнең 1 нче сыйныф укытучысы Вероника Скалова шундый яшь педагог булып тора. Аңа эшендә уңышлар телибез.

Тантаналы төстә беренче кыңгырау шалтыраганнан соң укучылар өчен беренче Тынычлык дәресе үтте.
Белем көне белән! Хәерле юл сезгә!

* * *
Өч айлык җәйге каникуллардан соң районның иң карт уку йортларыннан берсе яңадан балалар                                      шау-шуына күмелде.
 – Белем көненә багышланган линейка шатлыклы, тантаналы, матур узды, – дип хәбәр итә тәрбия эше буенча мәктәп директоры урынбасары Елена Михайлова. – Үзенең 109 еллыгында мәктәп 38 яңа беренче сыйныф укучысын кабул итте.

Линейкада “Яшьармияче” хәрби-патриотик клубы лидерлары Илья Краснов белән Алексей Лаптинны III дәрәҗә “Яшьармияче батырлыгы” медале белән бүләкләделәр. “Яшьармия” төбәк бүлекчәсе җитәкчесе генерал-майор  Бородин кул куйган грамоталар Олеся Рыжикова белән Екатерина Павловага  тапшырылды. Бу көнне шулай ук берничә дистә укучы ГТО значоклары да алды.

Биләрлеләр  бәйрәм турындагы тәэсирләре һәм яңа уку елыннан  нәрсә көтүләре турында уртаклаштылар.

Алексей Лаптин, 11 нче сыйныф укучысы:
– Бүген минем өчен  иң мөһим көн – соңгы уку елым башланды. Алда – БДИ һәм югары уку йортына керү. Безнең мәктәптә бик яхшы укытучылар эшли, һәм без бергәләп барлык кыенлыкларны җиңеп чыгачакбыз, дип ышанам. Бик әйбәт ял иттем. Августта мәктәпнең башка укучысы Хлопунов Максим белән  исемле юллама буенча  Кара диңгездә  “Мирас” лагерендә ял иттек. Гаиләбезгә аңа акча түләргә район хакимияте һәм шәхсән Сергей Анатольевич Демидов булышты. Моның өчен аңа зур рәхмәт!

Андрей Чугуров, Биләр урта гомумбелем мәктәбе директоры:

– Мәктәпне яңа уку елына әзерләү буенча гаять зур эш башкарылды. Мәктәбебез балкып, көлеп тора. Бу  педагогия коллективы, балалар, ата-аналар һәм төзүчеләр, шулай ук район хакимиятенең  финанс ярдәме нәтиҗәсендә мөмкин булды.