Кешеләр һәм язмышлар
Роберт Миңнуллинның "Сандугачлар туе" китабы азәрбәйҗан теленә тәрҗемә ителгән
"Сандугачлар туе" - шагыйрьнең азәрбәйҗан телендә чыккан икенче китабы.
(Казан, 15 май, "Татар-информ"). Шагыйрь, публицист һәм җәмәгать эшлеклесе Роберт Миңнуллинның "Сандугачлар туе" дип исемләнгән китабы азәрбәйҗан теленә тәрҗемә ителгән. Бу хакта шагыйрь үзенең социаль челтәрдәге сәхифәсендә хәбәр итә.
"Котлый аласыз: Бакудан яңа китабым килеп төште. Ике телле: татарча һәм азәрбәйҗанча. Аны күренекле тюрколог, фәннәр докторы, профессор, шагыйрь һәм тәрҗемәче Рәмиз Әскәр тәрҗемә итте. Бу - аның идеясе! Рәхмәт дустыма! Ул инде Гадбулла Тукай шигырьләрен дә тәрҗемә итеп, китап итеп чыгарган иде. Ә бу "Сандугачлар туе" минем Бакуда азәрбәйҗанча чыккан икенче китабым", - диелә хәбәрдә.
Следите за самым важным и интересным в Telegram-каналеТатмедиа
Нет комментариев