Салават: «Мин кеше үтермәдем, берәүне дә таламадым, кредит алмадым. Ни өчен минем репутациягә зыян килергә тиеш?»
«Банк Казани» Салават Фәтхетдиновны судка биргән. Кредит оешмасы җырчыны 13 млн сум бурычын түләмәгәне өчен банкрот дип танытырга тырыша.
Салават Фәтхетдинов кредитны үзе алмаган, ә бер кешенең поручителе булып барган. Мондый поручительләр берничә булган, хәзер һәркайсы банк алдында бурычлы.
«Вечерняя Казань» журналисты җырчыга шалтыратып кредит алучының исемен белешергә теләгән.
- Назовите этого п…а своим именем! - дигән Салават бик каты ачу белән.
- Әмма бит сезнең репутациягә зыян килә, - ди журналист.
- Минем репутациягә беркайчан зыян килмәячәк. Мин кеше үтермәдем, берәүне дә таламадым, беркайчан кредит алганым юк, - дигән Салават.
Судның беренче утырышы 17 февральгә билгеләнгән.
Следите за самым важным и интересным в Telegram-каналеТатмедиа
Нет комментариев