Тәртип сакчылары белән – зарядка

Сәламәт яшәү рәвешен пропагандалау максатында Россия Эчке эшләр министрлыгы Алексеевск районы буенча ЮХИДИ бүлегенең юл хәрәкәте куркынычсызлыгын пропагандалау инспекторы полиция лейтенанты А.И.Макаров 1 нче Алексеевск урта мәктәбе укучылары белән “Тәртип сакчылары белән – зарядка” акциясе кысаларында чара үткәрде.

Балалар бөтен күнегүләрне бик тырышып үтәделәр. Ничек тырышмасыннар, ди! Полицийский белән зарядканы көн саен ясап тормыйсың бит.

Арыган, ләкин канәгать укучылар ЮХИДИ инспекторына рәхмәт әйттеләр һәм аны тагын үзләренә кунакка килергә чакырдылар

Мондый чаралар, һичшиксез, эчке эшләр органнарында хезмәт итүнең абруен күтәрергә һәм полиция эшчәнлеге турында җәмәгатьчелектә уңай фикер тудырырга булыша.