Якташыбыз Галина Савинова тормышын балаларга багышлап яши

Якташыбыз Галина Савинова Алексеевскиның яшь буыны турында кайгырту белән яши һәм хезмәт куя. Ул “Ак чәчәк” балалар бакчасы мөдире Альбина Симашева чакыруы буенча мәктәпкәчә белем бирү учреждениесендә логопед булып эшли.

Сөйләм җитешсезлекләре булган балалар белән Галина Александровна инде 39 елдан артык шөгыльләнә. Ул үз эшен балаларның шәхси үсешен, шулай ук мәктәпкәчә белем бирү учреждениеләрендә һәм гаиләләрендә тәрбия шартларын исәпкә алып кора. Зур тәҗрибә, үз эшенә мәхәббәте һәм профессиональлеге үз нәтиҗәләрен бирә. Куелган сөйләм теле балаларга язуны үзләштерүдә дә, укуда да ярдәм итә. Мәктәпкәчә яшьтәге балаларның әти-әниләре балаларының Галина Савинова ярдәмендә ирешелгән уңышлары турында сөйли:

Галина ГЕРАСИМОВА:

- Кыска гына вакыт эчендә Галина Александровна улымны кайбер авазларны дөрес әйтергә өйрәтте. Ул сүзнең әйтелешен күзәтеп торырга өйрәнде. Улым сүзләре буенча, шөгыльләр бик кызык һәм мавыктыргыч уза торган булган. Ул аларга шатланып йөри иде. Бик зур рәхмәт сезгә, Галина Александровна. Сез үз эшегезне, балаларыгызны бик яратасыз. Хезмәтегез сезгә бары тик шатлык һәм канәгатьләнү генә китерсен.

Гашкәримова О.:

- Дәресләргә без Әшнәк авылыннан киләбез. Беренче очрашуда ук логопед улыбызны кызыксындыра алды һәм ул аның белән шөгыльләнергә теләген белдерде. Дәресләр уен формасында уза. Алар кызыклы үтә, ә иң мөһиме - һәр дәрес баланың сөйләмендәге җитешсезлекләрне коррекциягә юнәлдерелгән. Һәр шөгыльдән соң Галина Александровна безгә, ата - аналарга, балаларыбыз ничек һәм нәрсә белән шөгыльләнүе турында сөйли, кирәкле киңәшләрен бирә.

Ксения ПУЗЫРЁВА:

-Галина Александровна – ачык, киң күңелле, намуслы кеше. Аңа шөгыльләнергә бик күп балалар йөри. Ә нәтиҗәгә ирешү өчен компетентлы педагог буларак ул һичшиксез, нәтиҗәләр ясаячак һәм шөгыльләрне тәмамларга тәкъдим итәчәк. Галина Александровна, безнең балаларыбызны дөрес сөйләшергә өйрәткән өчен зур рәхмәт сезгә.