Заря
  • Рус Тат
  • Президенттан бүләк

    Татарстан Президенты Рөстәм Миңнеханов район хастаханәләренә 70 яңа ашыгыч ярдәм машинасы тапшырды. Шуларның берсе хәзер алексеевскилылар сәламәтлеге сагында торачак.

    Алексеевск үзәк район хастаханәсенең баш табибы Илдар Фәхретдинов сөйләвенчә, машиналар ашыгыч ярдәм автомобильләре паркын яңарту республика программасы кысаларында алынган.
    - Нормативлар буенча ашыгыч ярдәм машинасының хезмәт итү вакыты 5 ел тәшкил итә. Бу яңа автомобиль юл-транспорт һәлакәтләрендә зыян күрүчеләрне илтү вакытында кирәкле ярдәм күрсәтергә мөмкинлек бирәчәк заманча җиһазлар белән җиһазландырылган. Инфаркт яки баш мие инсульты булган очракта, авыруны кыска вакыт эчендә медицина үзәгенә, мәсәлән, Чистай яки Казан кардиоүзәгенә  аның сәламәтлеген саклап тиз арада итә алалар. Безнең ашыгыч ярдәм сменасында ике фельдшерлык бригадасы эшли. Һәм алар авырулар янына төзек, биш елдан артмаган машиналарда барырга тиешләр. Автопаркның әкренләп яңартылуы нәтиҗәсендә, бүгенге көндә бер машина гына алыштыруга мохтаҗ. Биләрдә дә алыштырылуга мохтаҗ машина бар. Паркны яңарту программасы халыкка медицина ярдәмен сыйфатлы һәм тиз башкарырга мөмкинлек бирә. Президентыбыз ярдәме белән бу юнәлештә эш алып барыла. Рөстәм Нургали улына һәм Сәламәтлек саклау министрлыгына шундый бүләк өчен бик зур рәхмәт.
     

    Нравится
    Поделиться:
    Реклама
    Комментарии (0)
    Осталось символов: