Медалистлар булып кайттылар

Спартакиадага 14 команда җыелды. Алексеевск районы данын Кр. Бараннан Станислав Фомин, Лебединодан Алсу Йосыпова һәм Виктория Ульянко, шулай ук "Алексеевскдорстрой" ААҖ тәрбияләнүчесе Алексей Солдатов (район үзәгенең икенче мәктәбе) яклады. Шәхси, парлы һәм катнаш зачетларда безнекеләр барлык беренче урыннарны да яуладылар һәм команда зачетында да беренчеләр булдылар. Тренер Геннадий Типясев хәбәр итүенчә, бу Алексеевск теннисчылары катнашкан дүртенче спартакиада һәм алар һәрберсендә чемпионнар булдылар.