Теннис “ватаны”нда
Лебединода Балаларны яклау көне, шулай ук спорт сезоны ябылу уңаеннан 1997 елгы һәм кечерәк спортчылар арасында өстәл теннисы буенча Алексеевск балалар-яшүсмерләр спорт мәктәбе беренчелеге булып узды.
Ярышларда Биләр, Лебедино, Кр.Баран һәм Алексеевск теннисчылары катнашты.
- Ни кызганыч, мәктәпләрдә йомгаклау имтиханнары узу сәбәпле, турнирда районның кайбер иң көчле спортчылары катнаша алмады, - ди тренер Геннадий Типясев. - Шулай да уен бик киеренке булды. Республика беренчелеге призеры Валерия Пашагина малайлар арасындагы турнирда чыгыш ясап, икенче урынны яулады. Нәтиҗәдә 24 призлы урыннан өч урынны алексеевскилылар яулады, калганнары - лебединолылар. Артем Егоров, өстә атап үтелгән Валерия Пашагина, Адел Каюмов, Лапшин Илья, Йосыпова Алсу һәм Мария Мякашкина шәхси, парлы һәм катнаш парлы зачетларда призлы урыннар яуладылар.
Следите за самым важным и интересным в Telegram-каналеТатмедиа
Нет комментариев