Алексеевскида “Без бергә”балалар халык иҗаты фестиваль-конкурсының зона этабы булды

04.04.2018 13:37 | Кешеләр һәм язмышлар Печать

Алексеевскида “Без бергә”балалар халык иҗаты фестиваль-конкурсының зона этабы булды

Район мәдәният йорты сәхнәсендә Татарстанның Алексеевск, Әлки, Спас, Нурлат һәм Балык Бистәсе районнары мәктәпләре укучылары җырларда, биюләрдә, нәфис сүздә, театр һәм кулланма сәнгатьтә үз осталыкларын күрсәтәләр.

 Фойеда моннан тыш балалар әзерләгән фоторәсемнәр һәм кул эшләре күргәзмәсе дә җәелеп киткән. Фестиваль-конкурста катнашучыларны башкарма комитет җитәкчесе урынбасары Дамир Гыйләҗев, Татарстан Республикасы Мәгариф һәм фән министрлыгының өстәмә белем бирү бүлеге начальнигы Жанетта Соркина һәм жюри рәисе – Татарстан Республикасы халык сәнгате кәсепләрен һәм һөнәрләрен үстерү үзәге генераль директоры Нури Мостафаев сәламләде.

Зона этабы йомгаклары буенча иң яхшы номерлар сайлап алыначак, алар үз районнарын 19 майда Казанда узачак гала-концертта тәкъдим итәчәкләр.

Сайлап алу этабында Алексеевск районы 19 номер тәкъдим итте. Левашево мәктәбеннән Азалия Вәлиева, Ромодан мәктәбеннән Диана Назарова, Балалар иҗаты үзәгеннән Әдилә Мәхмүтова һәм Ксения Хәбибуллина җырлар башкардылар. “Халык ансамбле” номинациясендә Кр.Баран мәктәбеннән “Айбагар” ансамбле, Ромодан мәктәбеннән “Вдохновение” коллективы, Балалар иҗаты үзәгеннән “Йолдызлы балачак” берләшәсе һәм “Родничок” коллективы чыгыш ясады.

“Хореография” номинациясендә Балалар иҗаты үзәгеннән “Шатлык” һәм “Салават күпере” бию ансамбльләре, шулай ук Урта Тигәнәледән “Глория” коллективы чыгыш ясады. “Инструменталь ансамбль” номинациясендә тамашачыларны һәм жюрины Кыр Шунталысыннан “Бәхетле балачак” коллективы таң калдырды. “Сәнгатьле итеп уку” номинациясендә Балалар иҗаты үзәгеннән Самат Камалов һәм Роман Рузанов, 4 нче Алексеевск башлангыч мәктәбеннән Александра Струкова һәм Г.С.Боровиков исемендәге 3 нче Алексеевск урта мәктәбеннән Анастасия Дрягалова шигырьләрне йөрәкләргә үтеп керерлек итеп укыдылар.

Район үзәгенең 2 нче мәктәбеннән “Төймәләр” коллективы һәм Балалар иҗаты үзәгеннән “Осталык мәктәбе” иҗат берләшмәсе Ольга Романченко җитәкчелегендә халык стилендә тегелгән костюмнарны күрсәттеләр. Кызлар “Модалар театры” номинациясе кысаларында сәхнәдә аларны киеп әйләнделәр. Ә Урманасты Шунталысыннан Вәлиевлар гаилә ансамбле “Иҗади гаилә” номинациясе кысаларында көчле алкышларга лаек булды.

Ромодан мәктәбеннән килгән Диана Назарова, конкурста катнашучылар арасында көндәшлек зур булды, дип билгеләп үтте:
 – Башка катнашучыларның чыгышлары миңа бик ошады. Бүтән районнардан килгән артистларны карау кызык иде. Финалга узу җиңел булмаячак, дип уйлыйм, шуңа күрә катнашучыларның барысына да уңышлар телим. Үзем мин “Стою на полустаночке” җырын башкарганда бераз дулкынландым, ләкин залның һәм жюри әгъзаларының ярдәмен тоеп, тынычландым.

Жюри әгъзасы, Татарстан Республикасының атказанган артисты, Татарстан Республикасының халык артисты, Россия Федерациясенең атказанган артисты, филармониянең джаз оркестры җитәкчесе Лидия Әхмәтова чыгышлар тәмамланганнан соң, Алексеевск артистлары югары осталык дәрәҗәләрен күрсәттеләр, дип билгеләп үтте.
 


Алексей Вангаев


Будь в курсе последних событий! Читай tatmedia.ru


Добавить комментарий


Защитный код
Обновить

В Республике