Җәйге сезон ачылды, ә аның белән бергә — яңа мөмкинлекләр һәм грантлар да

Татарстан Рәисе республика авыллары һәм ишегаллары тормышын инде үзгәрткән проектны хуплады. Татарстан халкы яратып өлгергән «Күрше» проекты, республика Рәисе ярдәме белән, рәсми рәвештә җәйге сезонны ача. Республика халкы өчен уникаль мөмкинлек барлыкка килә: тамашачы гына булып калмыйча, үз авылларында, ишегалларында һәм районнарында үзләре үк якты вакыйгалар оештыра алалар.

Проект үзенең ихтыяҗлы булуын инде раслады. Узган ел конкурска Татарстанның төрле почмакларыннан 585 гариза кергән, шуларның 64 проекты финанс ярдәм алган. Җиңүчеләр арасында кешеләрне берләштерүче идеяләрнең ачык мисаллары да бар: Левашево авылыннан Маргарита Машинаның “Милли мәдәниятләр фестивале” “Дуслык салаваты” проекты барлык авыл халкы өчен чын бәйрәмгә әверелде.

Гаризалар кабул итү башланды

20 апрельдән фестивальдә катнашу өчен гаризалар кабул итү башланды. Ул 24 майга кадәр дәвам итәчәк. Оешмалар да, инициативалы гражданнар да катнашырга мөмкин.

Шарт: чараларыгыз ачык һавада үткәрелергә һәм төрле көннәрдә кимендә өч вакыйганы үз эченә алырга тиеш. Ярдәм суммалары да җитди: юридик затлар өчен — 500 мең сумга кадәр, физик затлар өчен — 300 мең сумга кадәр.

Сезон яңалыгы: «Күрше. Мирас»

Оештыручылар озак вакытлы идеяләр авторлары өчен сюрприз әзерләгән. Быел «Күрше. Мирас» дип аталган яңа юнәлеш барлыкка килде. 1 июльдән 13 сентябрьгә кадәр катнашучылар тагын да киңрәк проектлар өстендә эшли алачак: арт-объектлар булдыру, фотокүргәзмәләр, тематик кичәләр, китаплар һәм башка күп төрле инициативалар.

Бу юнәлеш өчен ярдәм күләме инде 1 миллион сумга кадәр җитә.

Идеясе һәм теләге булган һәркемне кушылырга чакырабыз. Мондый проектлар районыбыз тормышын баета, аны кызыклырак һәм мәгънәлерәк итә.