Гамәлдәге экология: «Чиста булачак» алексеевскилыларны берләштерә

Өмә, экологик уеннар һәм дистәләгән активист — туган якка мәхәббәт уртак эшкә әверелгән тарих.

Алексеевск районында экология турында сүз белән генә түгел, ә гамәл белән эш итүчеләр бар — алар кулларына тырма, чүп капчыклары һәм… балалар күңелләр күрүне ала. «Импульс» яшүсмерләр клубы методисты Наталья Кулагина инде берничә ел дәвамында «Чиста булачак» экологик хәрәкәтенең җаны һәм төп этәргеч көче булып тора. Әмма бүгенге эшчәнлекне аңлар өчен, аның ничек башланганын искә төшерү мөһим.

«Чиста булачак»

ничек башланды

«Чиста булачак» яшьләр экологик хәрә-кәте Татарстанда 2015 елда барлыкка килде. Бу вакыт эчендә аңа меңләгән битараф булмаган кеше кушылды. Алексеевск райо-ны исә әлеге зур һәм мөһим эшнең гади катнашучысы гына түгел, ә актив өлеше булып тора.

Бүген «Чиста булачак» — ул өмә генә тү-гел, ә яшьләрдә таби-гатькә сакчыл караш тәрбияләүче тулы бер экологик белем бирү системасы.

Наталья Кулагина:

балачактан —зур эшкә юл

Наталья Зур Полянка авылында туган. Табигатькә мәхәббәт аның күңелендә бала-чактан ук формалаша — әтисе, егерь Евгений Александрович Кулагин белән ул еш кына урманда була, тирә-якны аңларга, вак детальләрне күрергә һәм табигатьне хөрмәт итәргә өйрәнә.

Бу гади, әмма мөһим дәресләрне ул еллар аша алып, бүген балаларга тапшыра.

2023 елдан Наталья «Импульс» яшүсмерләр клубында эшли һәм «Чиста булачак» хәрәкәтенең район бүлекчәсен үстерә. Ул мәктәпләрдә дәресләр генә үткәрми — балаларны уеннар, квестлар һәм тере аралашу аша экологик хәрәкәткә җәлеп итә. Мәсәлән, «Табигать сакчылары» уенында балалар урманда үз-үзеңне тоту кагыйдәләрен өйрәнә һәм анда яшәүчеләр турында белә.

Мондый форматлар табигатьне саклауның ни өчен мөһим икәнен ишетергә генә түгел, ә тоярга да ярдәм итә.

Берләштерүче

чын эшләр

Хәрәкәтнең төп юнәлешләренең берсе — экологик аңлату эшләре. Активистлар балалар бакчаларында, мәктәпләрдә һәм колледжларда дәресләр үткәрә, калдыкларны аерым җыю, экологик гадәтләр һәм сирәк очрый торган хайваннар турында сөйли.

Ләкин теория һәр-вакыт практика белән ныгытыла.

Районда экологик икеайлыкларда катнашу яхшы традициягә әверелде. Йөзләгән кеше өмәләргә чыга, урамнарны һәм ишегалларын тәртипкә китерә, агачларны агарта, чәчәкләр утырта. Бу эшләргә оешма хезмәткәрләре, мәгариф һәм мәдәният учреждениеләре, табиблар, предприятие вәкилләре кушыла — һәм бу чын мәгънәсендә бер-ләштерә.

Аерым игътибар җәмәгать урыннарын төзекләндерүгә бирелә. Яңа «Ёлки-палки» паркында яшь агачлар утыртыла, аларны үзләре үк кешеләр карап үстерә. Моның үз кыйммәте бар — кеше кулланучы гына түгел, ә үзе дә өлеш кертә.

Гаилә тарихы

Наталья өчен экология — эш кенә түгел, ул тормышның бер өлеше.

Ул табигатькә мә-хәббәтне кызларына да тапшырган. Бүген алар — актив хәрәкәт катнашучылары: форумнарда катнашалар, акцияләрдә ярдәм итәләр, табигатькә сакчыл караш белән үсәләр.

Шулай итеп, яңа культура формалаша — гаилә, шәхси үрнәк аша.

Кушылыгыз!

 Алексеевск районында «Чиста булачак» хәрәкәте үсешен дәвам итә. Биредә һәркемгә урын бар — өмәдә катнашыргамы, акцияләргә ярдәм итәргәме яки үзеңнән башларгамы.

Чөнки чисталык — яратып  эшләгән һәр җирдә була.