Газетага язылыгыз! Район матбугаты сезне көтә

2026 елга язылу кампаниясе тәмамланырга санаулы атналар гына калды. Алексеевск районында «Заря» һәм «Таң» район газеталарына язылу дәвам итә.

Район матбугатының әһәмиятен тагын бер кат искә төшергән чара – район хакимиятендә узган киңәйтелгән киңәшмә алдыннан үткәрелгән Язылучылар көне булды. Акциядә оешма җитәкчеләре, авыл җирлекләре башлыклары һәм район хакимияте хезмәткәрләре катнашты.

Катнашучыларның күбесе үзләре һәм гаиләләре өчен генә түгел, ә «Язылу бүләк ит» игелекле акциясенә дә кушылды. Аның ярдәмендә район газеталарын игътибар һәм ярдәм аеруча кирәк булган райондашлар алачак.

Язылучылар көнендә катнашучылар «Заря» һәм «Таң» район газеталарына язылдылар. Акциядә катнашучыларның берсе – Алексеевск муниципаль районы башлыгы Сергей Демидов булды. Ул район басмасына үзе өчен язылды, шулай ук районның ун кешесенә дә язылу бүләк итте.

Район газетасы – җирле яңалыкларның ышанычлы чыганагы булып кала, хезмәткәрләребезнең, якташларыбызның уңышлары, мөһим вакыйгалар һәм район торак пунктларында барган үзгәрешләр турында сөйли. Басма битләрендә предприятиеләр һәм учреждениеләр эшчәнлеге, социаль өлкә, авыл хуҗалыгы, мәдәният, мәгариф һәм спорт үсеше турында материаллар даими басылып килә.

Язылу кампаниясе июнь ахырына кадәр дәвам итәчәк. Район халкының әле дә «Заря» һәм «Таң» газеталарына 2026 елның икенче яртыеллыгына язылу һәм редакция тарафыннан язылучылар арасында үткәреләчәк традицион бүләкләр уйнатуда катнашу мөмкинлеге бар.

Язылырга ашыгыгыз һәм район газетасы белән бергә калыгыз!