Район газетасы журналистлары республика конкурсында беренче урынны яулады

«Заря» («Таң») район газетасы редак-циясенең берьюлы ике хезмәткәренең хезмәте билгеләп үтелде, алар масса-күләм мәгълүмат чараларының «Ышаныч һәм куркынычсызлык» республика конкурсында җиңү яулады. Конкурс юлларда куркынычсызлык өлкәсендәге проблемаларны һәм аларны хәл итүләрне яктыртучы иң яхшы журналистик материалларны бүләкләүгә юнәлдерелгән.

Баш мөхәррир Елена Ахманаева (фотода) басма массакүләм мәгълүмат чаралары арасында «Юл рыцарьлары» номинациясендә беренче урынны яулады. Хәбәрче Анна Дубицкая «Имин юллар – балаларга» махсус номинациясендә диплом белән бүләкләнде. Республика башкаласында узган төп бүләкләү тантанасына журналистлар эшләре күп булу сәбәпле бара алмады. Шуңа күрә бүләкләрне аларга Алексеевск районы буенча дәүләт автоинспекциясе җитәкчесе Руслан Шакиров тапшырды.

«Район массакүләм мәгълүмат чара-ларының дәүләт автоинспекциясе белән актив һәм нәтиҗәле хезмәттәшлек итүен аерым билгеләп үтәсем килә, — дип белдерде районның баш автоинспекторы. — Хокук бозуларны кисәтү, юлда үз-үзеңне куркынычсыз тоту культурасын формалаштыру грамоталы, гадел һәм системалы мәгълүмати эштән башка мөмкин түгел. Бу юнәлештә без бер телдә сөйләшәбез һәм уртак нәтиҗәгә — гражданнарыбызның гомерен һәм сәламәт-леген саклау өчен эшлибез».

«Ышаныч һәм куркынычсызлык» конкурсы инде берничә ел уздырыла, бу конкурста җиңү журналистлар бергәлегендә абруйлы казаныш булып санала. Журна-листларның уңышы район матбугатының әһәмиятле социаль мәгълүматның абруйлы чыганагы була алуын һәм булырга тиешлеген, гомумдәүләт бурычларын хәл итүгә саллы өлеш кертүен раслый.