Хөрмәтле укытучылар, мәктәпкәчә һәм өстәмә белем бирү педагоглары, педагогик хезмәт ветераннары! Һөнәри бәйрәмегез - Халыкара укытучылар көне уңаеннан котлауларны кабул итегез.
Сезнең һөнәри осталыгыгыз, сабырлыгыгыз, үз эшегезгә һәм балаларга булган мәхәббәтегез нәтиҗәсендә балаларыбызның сәләтләре ачыла һәм тормышка ашырыла. Сез балаларга киләчәктә үз урыннарын табарга, һөнәр һәм тормыш юлын сайларга ярдәм итәсез. Сезнең ярдәм белән яшь алексеевскилыларның белем багажы гына түгел, дөньяга карашы да формалаша. Сез чын Ватан патриотларын тәрбиялисез һәм бу аеруча хөрмәткә лаек.
Без Алексеевск районы педагоглары белән горурланабыз. Укучыларыгызның казанышлары - бу сезнең хезмәтегез.
Тиз үзгәрә торган дөнья сезне, хөрмәтле педагоглар, даими рәвештә үзегезне үстерү белән шөгыльләнергә, белем дәрәҗәсен киңәйтергә, балалар белән эшләү ысулларын камилләштерергә, яңа технологияләрне үзләштерергә мәҗбүр итә. Шул ук вакытта сез һәр укучыгызга җаныгызның бер өлеш бирәсез, игътибарлы һәм ярдәмчел, зирәк һәм сабыр булып каласыз. Яшь педагогларга ориентир, үз һөнәрләренә тирән тугрылык үрнәге булып торган педагогик хезмәт ветераннарына аерым рәхмәт сүзләрен белдерәм.
Сез үткәргән һәр дәрес балалар өчен тормыштагы ачышлар китабында яңа бит булсын!
Сезгә, кадерле укытучыларыбыз, ныклы сәламәтлек, иминлек, оптимизм һәм авыр, әмма шундый мөһим булган эшегездә уңышлар телим!
Следите за самым важным и интересным в Telegram-каналеТатмедиа
Нет комментариев