Зирәклек һәм хөрмәт бәйрәме

Артистларның искитмәле номерлары тамашачыларның көчле алкышларына күмелде, ә мәдәният йорты фойесында «Таң» редакциясе чәй табыны һәм район газетасына язылу оештырды. Бәйрәм кунакларының игътибарын сәнгать эшләре күргәзмәсе дә җәлеп итте.

Район башлыгы Сергей Демидов исеменнән залда җыелганнарны аның урынбасары Галина Белова котлады. «Мөмкинлегем булса, мин бу бәйрәмне Зирәклек, тәҗрибә һәм үзара аңлашу көне дип үзгәртер идем, - дип ассызыклады Галина Владимировна, - кадерле якташлар, сезгә ныклы сәламәтлек, иминлек телим».

Биредә үк, сәхнәдә, дистә еллар буе кулга-кул тотынып атлаучы «алтын» парларны хөрмәтләделәр. Бу - Лидия Павловна белән Анатолий Михайлович Сырниковлар, Елена Алексеевна белән Владимир Борисович Колоколовлар һәм Надежда Ивановна белән Александр Петрович Дудкиннар гаиләләре, алар зирәклек һәм мәхәббәт, сабырлык һәм үзара аңлашучанлыкның чын үрнәкләре.

Лидия Павловна белән Анатолий Михайлович Сырниковлар

Туй датасы: 1972 елның                        4 августы.

Армиядә хезмәт иткәч, Анатолий Михайлович Алексеевскига кайта һәм Биләр участогында юл мастеры, аннары Алексеевск сөт комбинатында капиталь төзелеш буенча төзелеш бүлегендә мастер булып эшли.

Лидия Павловна Киров өлкәсеннән Алексеевск сөт комбинатына практикага килә һәм курсташлары белән Анатолий Михайловичның туганнарының фатирында яши. Биредә алар танышалар да инде. Ә ике айдан соң яшьләр өйләнешә.

Лидия Павловна 23 ел сөт комбинатында                                        лаборант, бухгалтер булып хезмәт итә, 13 ел янгын бүлегендә бухгалтер булып эшләгәннән соң лаеклы ялга чыга.

Сырниковлар бер ул һәм бер кыз тәрбияләп үстерәләр, аларның ике оныгы бар. Үзләренең участокларында алар көньяк җиләк-җимешләрен үстерәләр. Дус һәм бәхетле яшиләр. Анатолий Михайлович бәхетле гомер кичерер өчен, бер-береңә юл бирергә, кичерә белергә, ә иң мөһиме бер-береңә ышанырга кирәк дип саный.

Елена Алексеевна белән Владимир Борисович Колоколовлар

Туй датасы: 1972 елның                       28 июле.

Владимир Борисович Алексеевск сөт-консерв комбинатында 40 ел машина йөртүче булып эшли. Аның күп санлы бүләкләре, Мактау грамоталары бар. Ул һәвәс балыкчы һәм аучы. Пенсиягә чыкканнан соң, тагын 3 ел күпердә «Саескан тавы» командасында эшли.

Елена Алексеевна уку йортын тәмамлаганнан соң район финанс бүлегендә өлкән икътисадчы, аннан район финанс бүлеге мөдире урынбасары булып эшли. 2009 елда Милли банкның дәүләт бюджетының касса үтәлеше бүлеге җитәкчесе вазыйфасында лаеклы ялга чыга. Хәзерге вакытта ул «Вдохновение» район хоры әгъзасы.

Елена Алексеевна белән Владимир Борисович 6 сыйныфта укыганда баскетбол секциясендә танышалар, аларның дуслыгы мәхәббәткә әверелә.

Колоколовлар ике ул тәрбияләп үстергәннәр, аларның ике оныкасы һәм бер оныгы бар. Гаиләдә тынычлык, татулык һәм үзара хөрмәт хөкем сөрә.

Надежда Ивановна белән Александр Петрович Дудкиннар

Туй датасы: 1972 елның 14 марты.

1993 елга кадәр Дудкиннар гаиләсе Питрәч районының Богородское авылында яши. 1993 елның июлендә Алексеевск районының Лебяжье авылына күчеп киләләр.

Александр Петрович гомере буе механизатор булып эшли. Комбайнчы булып эшләгән вакытта ул меңләгән тонна ашлык суктыра. Җитәкчеләре һәм авылдашлары тарафыннан һәрвакыт хөрмәт казана. Надежда Ивановна Питрәч районының «Пригородный» совхо-зында бухгалтер, Богородскийда авыл Советы рәисе булып эшли. 1993 елдан 2002 елга кадәр «Лебяжье» коллектив предприятиесендә бозау караучы булып эшли. Колхоз таркалганнан соң Алексеевск үзәк район хастаханәсендә са-нитарка булып эшли, аннан 2006 елда лаеклы ялга чыга.

Надежда Ивановна белән Александр Петрович бер кыз һәм бер ул тәрбияләп үстергәннәр, аларның дүрт оныклары һәм ике оныкчыклары бар.

Дудкиннар гаиләсе бик дус, намуслы, хезмәт сөючән һәм авылдашлары тарафыннан хөрмәткә лаек гаилә.