Агросәнәгать комплексының эшенә йомгак ясалды

Район башлыгы Сергей    Демидов җитәкчелегендәге делегация составында Алексеевск районының авыл хуҗалыгы һәм азык-төлек идарәсе башлыгы Газинур Мусин, «Алга» колхозы рәисе Илшат Кашапов һәм КФХ башлыгы Самат Гатин бар иде.

Чара 2023 елда агро-сәнәгать комплексы эшенең нәтиҗәләренә һәм 2024 елга бурычларга багышланган иде. Анда Татарстан Республикасы Президенты Рөстәм Миңнеханов катнашты.

Утырыш башланганчы коллегиядә катнашучылар техника күргәзмәсе, шулай ук хуҗалык итүнең төрле формалары продукциясе тәкъдим ителгән экспозиция белән таныша алдылар. Алексеевск районының «Эдем» СПОСПКсы бу вакытта «Казан-Экспо» күргәзмә үзәге мәйданчыгында узган ТатАгроЭкспо-2024 күргәзмәсендә катнашты. Өч көн дәвамында алар үз продукциясен күргәзмә кунакларына күрсәттеләр.

Коллегиядә чыгыш ясаганда, Татарстан рәисе авыл хезмәтчәннәренә фидакарь хезмәтләре һәм республика уңышларына бәяләп бетергесез өлеш керткәннәре өчен рәхмәт белдерде. Ул искәрткәнчә, корылык белән бәйле гадәттән тыш хәлгә карамастан, төбәктә лаеклы уңыш – 3,6 млн. тоннадан артык ашлык җыелган, терлекчелекнең тотрыклы эшләве тәэмин ителгән, кирәкле азык әзерләнгән.

Рөстәм Миңнеханов, утырыш вакытында, авыл хуҗалыгы тармагы вәкил-ләренә бүләкләр тапшырды. Виктор Иванов, «Восток Зернопродукт» АҖ (Көньяк Алексеевск филиалы) механизаторы, Татарстан Республикасының атказанган авыл хуҗалыгы механизаторы дигән мактаулы исем белән бүләкләнде. Виктор Николаевич авыл хуҗалыгы өлкәсендә 45 ел эшли.