Чәчү кампаниясе тулы куәткә бара

15 майга 16 мең гектар сабан культуралары чәчелде, бу гомуми мәйданның 58 процентын тәшкил итә. 2100 гектар бодай һәм 10100 гектар арпа чәчелде.

Гомәровның крестьян-фермер хуҗалыгы сабан культураларын чәчеп бетерде. “Родина” һәм “Алга” колхозлары да төгәлләп киләләр.

– Һава шартлары аркасында быел чәчү сроклары күчте һәм кыскарды. Шуңа күрә авыл хуҗалыгы эшчәннәренә бик киеренке эшләргә туры килә, – дип хәбәр итте авыл хуҗалыгы һәм азык-төлек идарәсенең баш агрономы Алексей Козин.

• Басуларда барлыгы 170 тән артык трактор һәм 50 чәчү агрегаты эшли, – ди авыл хуҗалыгы һәм азык-төлек идарәсенең баш инженеры Юрий Михайлов. – Бу катлаулы һава шартларында эшләрне, мәсәлән, “Алексеевск” халык предприятиесендәге кебек, ике сменада алып барырга мөмкинлек бирә. Ике сменада барлыгы 30 га якын трактор эшли. Шуның аркасында агротехник операцияләрнең барлык кирәкле сроклары үтәләчәк.