Авыл хуҗалыгы
Лидерлар урып-җыюны тәмамлады
8 сентябрьдә районның иң яхшы хуҗалыкларыннан берсе -"Алга" колхозының бөртекле культуралар урып-җыюны тулысынча тәмамлавы турында билгеле булды.
8752 тонна ашлык суктырып алынды. Уңышлылык һәр гектардан 45 центнердан артык тәшкил итә. "Алга" колхозының иң яхшы комбайнчылары Әнәс Мөхәммәтҗанов, Ирек Вәлиуллин һәм Ринат Ситдыйков.
Бүгенге көндә урып-җыю шулай ук "Трио", "Учхоз", "Элита-М", "Девятовское", "Хамматвәлиев" һәм "Гомәров" хуҗалыкларында да төгәлләнде. Район авыл хуҗалыгы һәм азык-төлек идарәсе мәгълүматларына караганда, 12 сентябрьгә тулай ашлык җыемы 139 мең тонна тәшкил итте, уңышлылык һәр гектардан 35 центнердан артык.
Кукуруз чабып җыюга ВЗП "Көньяк", ВЗП "Төньяк" кереште. Биш мең тоннадан артык силос салынды.
Следите за самым важным и интересным в Telegram-каналеТатмедиа
Нет комментариев