Татарстан Республикасы авыл хуҗалыгы һәм азык-төлек министры Марат Әхмәтов Алексеевск районында булды

Муниципалитет башлыгы Сергей Демидов озатуында министр урып-җыю кампаниясенең барышы белән танышты.

Районның агро-сәнәгать комплексы вәкилләре белән диалогның темалары булып- сөткә сатып алу бәяләре, ягулыкка ташламалар, уңыш күрсәткечләре торды. «Родина» колхозында терлекчелек комплексы төзелеше турында да сөйләштеләр.

Күргәзмәдә үз продукциясен умартачы Сергей Катков тәкъдим итте, ул районда бал җитештерүне актив үстерә.

Министр Марат Әхмәтов һәм район башлыгы Сергей Демидов урып-җыю алдынгыларын сертификатлар һәм премияләр белән билгеләп үттеләр. 16 августка Алексеевскида 11 мең гектар мәйданда 26 мең тонна ашлык суктырылды, уңыш - 1 гектардан 23 центнер чыга.

Марат Әхмәтов районда республика буенча халыктан сөт сатып алу бәяләренең иң яхшысы булуын билгеләп үтте, шулай ук районда тәүлеклек суктыруны 4,5-5 мең тоннага җиткерергә киңәш бирде.

- Һава торышы яхшы тора, әмма бу тынычланырга сәбәп түгел. Төп бурыч, элеккечә үк, кыска вакыт эчендә уңышны сыйфатлы җыеп алу, - дип өстәде Марат Әхмәтов.

Очрашу барышында кырда авыл хуҗалыгы продукциясе күргәзмәсе оештырылды. Балның төрле сортларын Алексеевск, Арча, Спас, Чирмешән, Лаеш, Питрәч, Кама Тамагы һәм Биектау районнарыннан 16 авыл хуҗалыгы җитештерүчесен берләштергән «Пчелич» авыл хуҗалыгы эшкәртү-тәэмин итү кооперативы тәкъдим итте. Марат Әхмәтов, предприятиенең эше һәм перспективалары турындагы мәгълүматны тыңлаганнан соң, 8 августта Татарстанда эшли башлаган «Агростартап» программасы буенча документлар тапшырырга тәкъдим итте.

Агро-сәнәгать комплексы вәкилләре белән очрашу азагында Марат Әхмәтов һәм Сергей Демидов урып-җыю кампаниясе алдынгыларын сертификатлар һәм премияләр белән билгеләп үттеләр. Шулай итеп, урып-җыю кампаниясе алдынгылары Анатолий Михайлович Пеньковцев һәм Сергей Михайлович Карачев яхшы эш темплары өчен сертификат һәм премия белән бүләкләнделәр. Анатолий Пеньковцев «Клаас-Тукано-430» комбайнында эшләп, 207 тонна, ә Сергей Карачев «Акрос-595» комбайнында 195 тонна ашлык суктырганнар.