Ярдәм кичекмәстән кирәк булганда: кечкенә Ева тарихы

Өч яшьлек Ева Шибкова — әти-әнисенең яраткан кызчыгы, шат күңелле бала. Әтисе юл төзелеше өлкәсендә эшли, әнисе декрет ялында һәм бөтен вакытын кызына багышлый.

Кайгы көтмәгәндә килә. Башта билгеләр гади салкын тиюне хәтерләтә: хәлсезлек, температура. Соңрак хәле начарая, кыз баланы үпкә ялкынсынуына шикләнеп хастаханәгә салалар. Әмма өстәмә тикшерүләр барышында табиблар җитди авыру — кискен лимфобластик лейкоз ачыклый.

Бу — канның онкологик авыруы, анда сәламәт күзәнәкләр барлыкка килү процессы бозылу. Сөяк миендә җитлекмәгән күзәнәкләр — лимфобластлар — күпләп барлыкка килә һәм нормаль кан күзәнәкләрен кысрыклый. Нәтиҗәдә организм инфекцияләргә каршы тора алу сәләтен югалта, гемоглобин һәм тромбоцитлар дәрәҗәсе кими.

Мондый авыруны дәвалау озак вакытлы, берничә этаптан тора һәм даими медицина күзәтүен таләп итә. Ул бала һәм гаилә өчен җитди сынау гына түгел, ә даруларга, тикшерүләргә, өстәмә дәвалауга һәм дәвалау чорында бала янында булуга бәйле зур чыгымнар да таләп итә.

Хәзерге вакытта Ева әнисе Евгения белән Казанда, махсус онкология үзәгендә, дәвалануны башларга әзерләнә.

Гаилә бала өчен мөмкин булганның барысын да эшли, әмма бу очракта аларга ярдәм кирәк.

Ярдәм күрсәтергә теләүчеләр моны үзләренә уңайлы ысул белән башкара ала. Акчаны баланың әтисе Сергей исеменә телефон номеры аша күчерергә мөмкин:

8 939 332 10 26,

яки банк картасы номеры буенча: 2202205353238519 (Сбербанк), «баланы дәвалауга» дип билгеләп.

Мәгълүмати ярдәм дә бик мөһим — бу турыда тарату берләшергә ярдәм итә. Редакция ассызыклый: хәйрия эшчәнлегендә катнашу — һәркемнең ирекле карары.