Тормыш тәҗрибәсе һәм зирәклек: 95 һәм 98 яшьлек юбилярларны котлау

2 февральдә башкарма комитет җитәкчесе урынбасары Елена Хамзина һәм социаль яклау бүлеге җитәкчесе Марина Солдатова тыл хезмәтчәне, хезмәт ветераны Хөсниева Илһамия Җиһанша кызын 95 яшьлек юбилее белән котладылар.

Юбилярга РФ Президенты Владимир Путиннан котлау открыткасы, ТР Рәисеннән бүләк, шулай ук Алексеевск муниципаль районы башлыгы Сергей Демидовтан котлау открыткасы һәм азык-төлек җыелмасы тапшырылды.

Илһамия Җиһанша кызы Кызыл Армия районының Яңа Ромашкино авылында туа. Аның яшүсмер чагы Бөек Ватан сугышы елларына туры килә, ул әнисенә хуҗалыкта ярдәм итә һәм колхозда төрле эшләрдә эшли, шул рәвешле ул җиңүгә үз өлешен кертә.

1970 елда ул Алексеевскига килеп урнаша, кияүгә чыга, аларның уллары туа. Хезмәт эшчәнлеген Илһамия Җиһанша кызы МСОда тәмамлый, анда ул күп еллар штукатур-буяучы булып эшли. Бүгенге көндә ул туганнарының кайгыртуы белән чолгап алынган һәм оныкасының уңышларына сөенеп яши.

29 гыйнварда хезмәт ветераны, тыл хезмәтчәне, Алексеевск штб.да яшәүче Вәгыйзов Харис Вәгыйз улына 98 яшь тулды.

Юбилярга шулай ук РФ Президенты Владимир Путиннан котлау открыткасы, ТР Рәисеннән бүләк, шулай ук район башлыгы Сергей Демидовтан котлау открыткасы һәм бүләк тапшырылды.

Харис Вәгыйз улы 1928 елда Балык Бистәсе районының Сабакаево авылында туа. 1942 елда ул тракторчылар курсын тәмамлый һәм Балык Бистәсе районының «Кызыл Йолдыз» колхозында эшли башлый. Төп эшеннән тыш, ул Лаеш районында аэродром төзелешендә катнаша.

1954 елда ул Алексеевск районында яңа ДТ тракторлары белән идарә итү буенча укулар уза һәм курсларны тәмамлагач биредә яшәргә кала, «Заготзерно» оешмасында моторист булып эшли.

1966 елдан башлап һәм лаеклы ялга чыкканчыга кадәр райгазда хезмәт куя.

Харис Вәгыйз улы бер кыз үстерә, бүгенге көндә аның ике оныгы һәм дүрт оныкчыгы бар.

Хәзерге вакытта ул туганнары тәрбиясендә яши.

Бу кешеләрнең язмышлары – хезмәт сөючәнлек, ныклык һәм туган җиргә тугрылык үрнәге булып тора. Аларның тормыш юлы ихлас ихтирам уята һәм яшь буын өчен мөһим әхлакый ориентир булып хезмәт итә.