Хезмәт Геройларына һәм Ана-геройларга түләүләр 1 февральдән индексацияләнәчәк

Чыганак: Татар-информ

Күтәрелгәннән соң, «Хезмәт Герое» һәм «Ана-герой» исемнәренә ия булучылар ай саен 76,5 мең сум алачак.

Акчалата ярдәмнән тыш, бу гражданнар берничә социаль ташламага хокуклы, шул исәптән:

• чираттан тыш бушлай медицина ярдәме күрсәтү;
• рецептлар буенча бушлай дарулар белән тәэмин итү;
• җәмәгать транспортында йөрүгә ташламалар;
• бушлай һөнәри белем алу.

Белешмә өчен:

«Ана-герой» исеме ун һәм аннан да күбрәк бала тудырган һәм тәрбияләгән хатын-кызларга бирелә.

«Хезмәт Герое» исеме дәүләт һәм җәмгыять алдындагы аерым хезмәт казанышлары өчен иң югары дәүләт бүләге булып тора.