Раштуа бәйрәме алдыннан Алексеевск районыннан бер төркем үзенчәлекле балалар әти-әниләре белән бергә чын тылсымлы бүләк алды – алар «Казан Экспо»га «Хыялланучылар мәктәбе» дип аталган Яңа ел тамашасына барды.
Бу матур әкият «Включайся» социаль савыктыру үзәге инициативасы белән мөмкин булды һәм спектакльгә кадәр үк – транспортта уңайлы сәяхәттән башланды. Урынга килеп җитүгә яшь кунакларны һәм аларның гаиләләрен Яңа ел алды могҗизасы: интерактив уеннар, иҗади мастер-класслар һәм фотозоналар көтә иде. Өлкәннәр үз балалары белән бергә уйнап, бер мизгелгә яңадан бала чакларына әйләнеп кайткандай булдылар.
Тамаша масштабы белән таң калдырды. Балалар мәкерле явыз урларга тырышкан хыялларны тормышка ашыра торган тылсымлы ачкыч турындагы тарих артыннан тын да алмыйча күзәтеп бардылар. Якты декорацияләр, зал буйлап очучы аэростат һәм мавыктыргыч сюжет беркемне дә битараф калдырмады. Ә Яңа ел хитларыннан торган дискотека шатлык һәм бәхет өстәде! Һәрбер кечкенә тамашачы татлы бүләк кенә түгел, ә иң мөһим нәрсәне – йөрәктә яхшылык булса, хыяллар һичшиксез чынга ашачак дигән ышанычны да үзе белән алып кайтты.
«Бу искиткеч сәфәр өчен оештыручыларга чын күңелдән рәхмәт белдерәсем килә! Безнең гаилә өчен бу гади күңел ачу гына түгел, ә чын бәйрәм булды, бу көн безнең хәтердә озак сакланачак. Үз балаңның күзләрендә соклану очкыннарын күрү, аның белән бу тылсымлы хис-кичерешләр белән уртаклашу — бу бәһасез. Киң күңелегез һәм кайгыртуыгыз өчен зур рәхмәт», — дип хис-кичерешләре белән уртаклашты яшь сәяхәтченең әнисе Татьяна Платонова.
Ата-аналар һәм балалар бу бәйрәмне чынбарлыкка әверел-дерергә ярдәм иткән һәркемгә:
тамашага билетлар сатып алганнары өчен ТР «Бердәм Россия» партиясенең иҗтимагый ярдәм штабы хәйриячеләренә; бу сәфәрне куркынычсыз һәм уңайлы иткән транспортны озата баруны оештырганнары өчен район хакимиятенә һәм спорт мәктәбенә; бәяләп бетергесез инициативасы, кайгыртуы һәм бу онытылмас бәйрәмне оештырганы өчен «Включайся» социаль савыктыру үзәгенә һәм шәхсән аның җитәкчесе Коваленко Нина Геннадьевнага ихлас рәхмәтләрен белдерәләр.
Бу көн уртак тырышлык белән чын могҗиза тудырып булуның ачык мисалы булды. Балаларның елмаюлары, әти-әниләрнең бәхетле күзләре һәм бөек бәйрәм алдыннан яхшылыкка ышану бүләк иткәнегез өчен рәхмәт сезгә!
Нет комментариев