Халык гозере исәпкә алыначак! Юллар ремонтлау
Бу җәйдә юлларны ремонтлау һәм салу мәсьәләсенә зур игътибар бирелә. Район үзәгендә чокырларны ямау эшләре бүгенге көнгә кадәр дәвам итә. Район үзәгендә Пролетарская (14 һәм 14а йортлары), Совет (26, 23, 25, 27, 25а) урамнарында яңа юл түшәмәсе һәм тротуарлар төзелә. Красноармейская, Д. Бедный, 8 Март, Короленко, М.Горький, Солнечная, Мамонов, Молодежная, Подлесная, Пушкин урамнарында чокырлар ямалган.
Редакциябезгә сөт заводы районындагы Назыйров урамында яшәүчеләр мөрәҗәгать итте. Алар үз урамнарындагы юл түшәмәсенә зарланды. Әйе, ул урамнан машиналар йөрми. Тик аның социаль йөкләнеше бар: аның буенча мәктәпкә 3нче мәктәп укучылары, шулай ук «Кояшкай» балалар бакчасына йөрүче балалары белән әниләр (еш кына коляскалар төртеп) йөри. Бу чокырлар еш кына яңгыр яуганнан соң су белән тула һәм колясканы күтәреп барырга туры килә. Без, үз чиратыбызда, районның инфраструктур үсеш бүлегенә юлның әлеге өлешендәге чокырларны ремонтлау мөмкинлеген карау үтенече белән мөрәҗәгать иттек. Безгә баш тартмадылар һәм ремонтның халык соравы буенча башкарылачагын ышандырдылар. Моның өчен Назыйров урамында яшәүчеләр исеменнән рәхмәт белдерәбез.
Следите за самым важным и интересным в Telegram-каналеТатмедиа
Нет комментариев