Бердәмлек тавышы: Вера Егорованың бала хокукларын яклаудагә миссиясе

Хезмәтләре һәрвакытта да халыкка күренми торган кешеләр бар, ләкин нәкъ менә ул шәхес иң мөһимен — безнең балалар нинди булып үсәчәген, алар тормыш аша нинди кыйммәтләр алып барачагын һәм үзләреннән соң нинди эз калдырачагын билгели.  Алексеевск районында андый кешеләр аз түгел.

Вера Владимировна Егорова, мәгълүмати-методик бүлек мөдире — Татарстан Республикасы Алексеевск муниципаль районы мәгариф бүлеге башлыгы урынбасары, Татарстан Республикасында Бала хокуклары буенча вәкаләтле вәкилнең җәмәгать ярдәмчесе, «һәркемнең инициативасы — гомуми уңыш» номина-циясендә «Хезмәт» III Бөтенроссия премиясендә катнашучы.

Вера Владимировна өчен белем һәм тәрбия — ул киләчәк туа торган киңлек. Һәм аның архитекторлары педагоглар гына түгел, ә ата-аналар да, җирле бердәмлек тә. Аның карашы гади хакыйкатькә нигез-ләнә: гомуми уңыш һәркемнең ниятеннән төзелә.

Филологиядән — төпле идарә итүгә кадәр

Вера Владимиров-наның мәгариф системасындагы юлы телне һәм әдәбиятны тирәнтен өйрәнүдән башлана. Казан дәүләт университетының филология факультетын тәмамлагач, ул мәктәпкә рус теле һәм әдәбияты укытучысы булып килә. Текстны аңлау, сүзне ишетә һәм тоя белү соңрак аның идарә фәлсәфәсе нигезенә салына.

Профессиягә беренче адымнарын ул 2нче Алексеевск урта мәктәбенең педагог-оештыручысы буларак ясый — нәкъ менә шунда, балалар коллективлары белән эшләүдә, вакыйгаларны һәм бәйрәмнәрне оештыруда, чын педа-гогиканың тере аралашу һәм уртак эш булган җирдә башлануын аңлау туа. Бу тәҗрибә аның бөтен һөнәри тормыш нигезе булып тора.

Бүген, район мәга-риф бүлеге начальнигы урынбасары буларак, ул методик базаны үстерү һәм белем бирү процесс-ларының сыйфаты өчен җаваплы. Аның эше — стратегик бурычлар һәм тере мәктәп практикасы арасындагы күпер. Хезмәттәшләре аны системалы фикерләве һәм төрле бурычларны хәл итүгә якын ки-лү юлын таба белүе өчен бәялиләр.

Шул ук вакытта Вера Владимировна һөнәрендә җитәкче буларак кына түгел, укытучы буларак та кала бирә. Ул кайчандыр үз юлын башлаган 2нче Алексеевск урта мәктәбендә рус теле һәм әдәбияты дәресләре алып бара. Аның өчен бу өстәмә йөкләнеш кенә түгел, ә педагогиканың җанлы сулышын саклау, мәктәп тормышының йөрәк тибешен тою, заманча балаларны һәм аларның ата-аналарын эчтән аңлау мөмкинлеге.

«Уртак уңышта — һәркемнең инициативасы»: «Муниципаль гаилә клубы» проекты

Нәкъ менә шушы номинациядә Вера Владимировна район өчен чын үсеш ноктасына әверелгән «Муниципаль гаилә клубы» проектын тәкъдим итә.

Премиядә катнашу-ның максаты — мәга-риф, мәдәният һәм яшьләр сәясәте учреж-дениеләренең аерым игътибар таләп итүче гаиләләр: тәрбиягә алучы, опекунлык, авыр тормыш хәлендә калган гаиләләр белән эшләүдә хезмәттәшлек итүнең уникаль практикасы белән уртаклашу.

Проект идеясе кабинетлар тынлыгында түгел, ә тормышның үзеннән тере сораудан туды. Ярдәмгә аеруча мохтаҗ гаиләләр белән эшләүдә Вера Владимировна төп дефицитны — уртак берләштерүче мәгънәләрнең, ышанычлы аралашуның һәм үзең булырга мөмкин булган куркынычсыз мохитнең кирәклеген күрде. Шулай итеп «Муниципаль гаилә клубы» — хисаплар өчен түгел, ә чын аралашу урыны булып тора.

Ведомствоара партнерлык проектның төп принцибына әверелде. Клуб ресур-сларны берләштерде:

— мәгариф учреж-дениеләре (мәктәпләр, балалар бакчалары, психологик-педагогик ярдәм күрсәтү үзәге),

— мәдәният уч-реждениеләре (китап-ханәләр, мәдәният йорты, сәнгать мәк-тәбе),

— яшьләр сәясәте оешмалары (яшьләр үзәге, яшүсмерләр клублары).

Мондый партнерлык гаиләләр өчен бердәм ярдәмче пространство булдырырга мөмкинлек бирде, анда һәркем ярдәм, үзен ишетүләрен һәм кызыклы шөгыль таба ала.

Клуб эшенең төп юнәлешләре:

— уртак иҗади, спорт һәм ял итү чаралары аша бала-лар — ата-аналар мөнәсәбәтләрен ка-милләштерү;

— гаилә әгъзалары арасында конструктив хезмәттәшлек күнекмәләрен үстерү;

— мәрхәмәтсез мөга-мәләне һәм гаилә иминсезлеген кисәтү;

— ата-ананың җа-ваплы булуын формалаштыру һәм ата-ананың психологик-педагогик компетентлыгын арттыру;

— тәрбиягә алган һәм опекун гаиләләрен җирле бергәлек тормышына соци-аль адаптацияләү һәм интеграцияләү.

Проект кысаларында гаилә мастер-класслары, психологик тренинглар, бәйрәмнәр, күчмә чаралар, кызыклы кешеләр белән очрашулар үткәрелә. Авыр тормыш хәлендә калган гаиләләрдәге балалар өчен ял итү һәм үстерү программалары оештырылган. Тәрбиягә алган һәм опекун гаиләләре адреслы ярдәм генә түгел, ә бер-берсе белән аралашу, тәҗрибә уртаклашу, үзләрен зур бергәлекнең бер өлеше итеп тою мөм-кинлеге дә ала.

Нәтиҗә илһам-ландыра: проектта катнашучы гаилә-ләрдә конфликтлылык дәрәҗәсе кими, балалар һәм ата — аналар бер-берсен ишетергә һәм аңларга өйрәнә, ышанычлы мөнәсәбәтләр ныгый. Ә иң мөһиме — ышанычларын югалткан гаиләләрдә таяныч һәм алар үзләре генә түгел дигән хис барлыкка килә.

Бердәмлек тавышы һәм бала хокукларын яклау

Вера Владими-ровнаның иҗтимагый эшчәнлеге аның һөнәри юлын тулыландыра. Татарстан Республикасында Бала хокуклары буенча вәкаләтле вәкилнең җәмәгать ярдәмчесе буларак, ул балалар мәнфәгатьләре сагында тора. Бу статус аның өчен махсус миссия — үз-үзен яклый алмаучыларның тавышы һәм катлаулы хәлләргә эләккән гаиләләр өчен терәк булу.

Алексеевск шәһәр җирлеге Советы депутаты буларак, ул халык белән турыдан-туры элемтәдә тора. Гаиләләргә, балаларга ярдәм итү, инфраструктураны үстерү мәсьәләләре — аның өчен бу сайлаучылар наказларындагы пунктлар гына түгел, ә кешеләрнең тормыш сыйфаты бәйле конкрет бурычлар. Халык белән очрашуларда реаль ихтыяҗларны аңлау туа, аннары алар яңа проектларга һәм инициативаларга әйләнә.

Вазифаи кысаларданчыга торган компетенция

Вера Владими-ровнаның уңышлы эш сере идарә тәҗ-рибәсендә генә түгел, ә яңа белемнәргә даими омтылуында да. Заманча белемнең балалар күңелен һәм гаилә психологиясен тирәнтен аңлауны таләп итүен аңлап, ул «Психолог» белгечлеге буенча икенче югары белем алды. Бу белемнәр «авыр» яшүсмерләр белән әңгәмә корырга, гаиләләргә якын килергә һәм конфликтларны хәл итәргә ярдәм итә. Хезмәттәшләре Вера Владимировнаны таләпчән җитәкче буларак кына түгел, акыллы киңәшче буларак та беләләр. Яшь педагоглар һәм тәҗрибәле белгечләр еш кына аңа нәкъ менә шул яктан киңәш сорап һәм профессиональ карашы өчен мөрәҗәгать итәләр, алар уку планының коры юллары артында баланың тере шәхесен күрергә ярдәм итәләр. Һәм ул беркемне дә кире какмый — чөнки аның өчен балалар һәм гаиләләр белән эшләү күптән инде вазифаи бурычлар гына булудан туктады. Ул аның өчен көн саен сулый торган тормыш кебек.

Танылу һәм гомер юлы

Алексеевск районында Вера Владимировнаны күпләр белә. Ул гади кеше, ул бөтен гаиләләр узган юлларны узган. Мәшгульлек үзәгендә эшләве ата-аналарның балаларына ничек эш табарга кыен икәнлекне белүдә ярдәм итә. Аннары социаль яклау үзәге, анда катлаулы гаилә тарихлары. Ә сәнгать мәктәбе җитәкчелеге күрсәткәнчә, кайчакта нәкъ менә рәсем яки музыка бала өчен бердәнбер юаныч.

Вера Владими-ровнаның күпьеллык хезмәте Татарстан Республикасы Мәгариф һәм фән министрлыгы бүләкләре һәм район башлыгының Мактау грамотасы белән бүләкләнде. Әмма үз эшенең төп нәтиҗәсе итеп ул мәгариф си-стемасын үстерүне, педагогларга һәм, әлбәттә, бәхетле гаи-ләләргә һәм уңышлы балаларга ярдәм итүне саный.

«Хезмәт» Бөтен-россия премиясендә катнашу Вера Владимировна өчен чын үзгәрешләрнең кабинетларда түгел, ә битараф булмаган кешеләр — укытучылар, мәдәният хез-мәткәрләре, җәмәгать эшлеклеләре, ата-аналар очрашкан урыннарда тууын күрсәтү мөмкинлеге ул. Бер кешенең инициативасы бөтен бер район тарафыннан хупланган урыннарда уртак уңыш казана. Һәм гаилә, хәтта иң кыен хәлдә калган гаилә дә, киләчәккә ышаныч һәм таяныч таба.