Биләр авылы кешесе: Алексей Бакланов туксан яшькә җитте

5 мартта социаль яклау бүлеге начальнигы Марина Солдатова һәм ветераннар советы рәисе Елена Макарихина Алексей Александрович Баклановны туксан яшьлек юбилее белән котладылар.

Юбилярга район башлыгы Сергей Демидовтан котлау открыткасы һәм бүләк тапшырылды.

Алексей Александрович Биләр авылында күп балалы гаиләдә туган һәм гаиләдә дүртенче бала булган. Мәктәпне тәмамлагач, Свердлов исемендәге колхозда хезмәт юлын башлый. Башта тракторчы булып эшли, соңрак бригадир була, ә лаеклы ялга сарыкчылык фермасы мөдире вазифасыннан чыга.

1958 елда гаилә кора. Хатыны Анна Михайловна белән инде 68 ел бергә гомер итәләр, ике ул һәм бер кыз тәрбияләп үстергәннәр. Бүген аларны дүрт онык һәм биш оныкчыклары сөендерә.

Юбилярларның тормыш юлы — хезмәт сөючәнлекнең, гаиләгә һәм туган җиргә тугрылыкның ачык үрнәге. Аларның язмышы тулы бер чорны чагылдыра, ә узган еллар һәм кичергән сынаулар турында истәлекләр район тарихының мөһим өлеше булып кала.