Мунчада янгын: сәбәбе — төтен юлының төзек булмавы

Беренчел мәгълүматлар буенча, янгын чыгуның сәбәбе мунча миченең төтен юлының төзек булмавы булган.

Янгын оператив рәвештә юк ителде, зыян күрүчеләр юк. Әмма булган хәл, мунчаның янгын куркынычы югары булган объектларга керевен искә төшерә һәм хуҗалардан  бик тә игътибар таләп итә.

Алексеевск һәм Балык Бистәсе районнары буенча күзәтчелек эшчәнлеге һәм профилактика эшләре районара бүлегендә рухи һәм тән ялы урыны, ягъни мунчаның җитди куркыныч чыганагына әйләнмәсен өчен янгын куркынычсызлыгы кагыйдәләрен төгәл үтәргә кирәк, дип ассызыклыйлар.

Белгечләр тәкъдим итә:

— мичнең даими рәвештә ярыкларын һәм тишекләрен  карарга;

— мич ягуны балаларга рөхсәт итмәскә;

— мич янганда караусыз калдырмаска;

— мич һәм төтен чыга торган юлларны төзүне бары тик профессионалларга гына ышанып тапшырырга;

— төтен чыгару юлларын һәм вентиляция каналларын корымнан вакытында чистартырга.

Бу гади кагыйдәләрне үтәү янгын куркынычын сизелерлек киметергә һәм мөлкәтне, ә иң мөһиме — кешеләрнең гомерен һәм сәламәтлеген саклап калырга мөмкинлек бирә.