Район башлыгы Сергей Демидов Алексеевск районы авыл мәчетләренең имам-хатыйбларына чапаннар һәм чалмалар тапшырды

Сергей Анатольевич мәхәллә кешеләре белән аралашты. Сүз авыл мәчетләре территорияләрен төзекләндерү турында да барды. Шулай ук муниципалитет башлыгы муллаларга алексеевскилыларның рухи тормышын үстерүгә керткән өлешләре өчен рәхмәт белдерде.

Рөстәм хәзрәт, үз чиратында, Сергей Демидовка мөселман җәмгыятенә һәрьяклап ярдәм итүе өчен рәхмәт белдерде. Республика ифтарына баруны оештырган өчен мәхәллә кешеләренең исеменнән дә рәхмәт сүзләрен җиткерде.