Республика һәм бистә көнендә Алексеевскида балалар өчен бәйрәм үткәрделәр. «Төзүчеләр» паркында концерт, уеннар һәм спорт ярышлары узды

Шулай ук барлык теләүчеләр ГТО комплексы нормативларын тапшырдылар. Үзешчән артистлар концерт номерларын башкардылар, аларда район территориясендә яшәүче халыкларның гореф-гадәтләре турында сөйләделәр. Бу көнне бәйрәм кунаклары өчен мастер-класслар, уеннар, шулай ук хот-дог белән бушлай сыйлау оештырылды.

Концертны «Братья Грим» төркеме бизәде. Традиция буенча, зур бәйрәм кич белән Чиркәү мәйданында оештырылды.

«Ямьле» төркеменнән кызлар триосы рус һәм татар телләрендә популяр җырлар башкарып тамашачыларны сөендерде. Артистлар үзләренең популяр җырларын башкардылар, тамашачылар кушылып җырлады. Бәйрәм концерты салют белән тәмамланды.